മുബൈ: ഐപിഎല് മത്സരങ്ങള് മഹാരാഷ്ട്രയില് നിന്നും മാറ്റണമെന്ന് മുംബൈ ഹൈക്കോടതി. കടുത്ത ജലക്ഷാമം കണക്കിലെടുത്താണ് ഫൈനല് അടക്കം 13 മല്സരങ്ങളുടെ മാറ്റണമെന്ന് ഹൈക്കോടതി ആവശ്യപ്പെട്ടത്. വേദിമാറ്റുന്നതിനായി പതിനഞ്ചുദിവസത്തെ സമയം അനുവദിച്ച കോടതി ഈ മാസം 30 വരെ സംസ്ഥാനത്ത് മല്സരങ്ങള് നടത്താനുള്ള അനുവാദം നല്കി.
ഐ.പി.എല്ലിനായി അമിതതോതില് ജലം ഉപയോഗിക്കുന്നതിനെതിരെ സമര്പ്പിക്കപ്പെട്ട പൊതുതാല്പര്യ ഹര്ജികളിന്മേലാണ് കോടതി വിധി പ്രസ്താവിച്ചത്. ഫൈനലുള്പ്പെടെ നാലു മല്സരങ്ങള് മുംബൈയിലും രണ്ട് പ്ലേ ഓഫ് ഉള്പ്പെടെ ആറ് മല്സരങ്ങള് പൂനെയിലും മൂന്നു മല്സരങ്ങള് നാഗ്പൂരിലുമായാണ് നടത്തേണ്ടിയിരുന്നത്.
മുന്കൂട്ടി ടിക്കറ്റുകള് വിറ്റതിനാല് മത്സരങ്ങള് മാറ്റുന്നതിലെ ബുദ്ധിമുട്ട് പരിഗണിച്ചാണ് കോടതി മെയ് മാസം മുതലുള്ള മത്സരങ്ങളുടെ വേദി മാറ്റി ഉത്തരവിട്ടത്.
