കൊല്ക്കത്ത: ഐപിഎല്ലില് നിലവിലെ ചാംപ്യന്മാരായ മുംബൈ ഇന്ത്യന്സിന് ആദ്യജയം. കൊല്ക്കത്ത നൈറ്റ് റൈഡേഴ്സിനെ ആറു വിക്കറ്റിന് തോല്പിച്ചു. കൊല്ക്കത്ത ഉയര്ത്തിയ 188 റണ്സ് വിജയലക്ഷ്യം മുംബൈ അഞ്ച് പന്തും ആറ് വിക്കറ്റും ബാക്കിനില്ക്കേ മറികടന്നു.
10 ഫോറും ഒരു സിക്സും ഉള്പ്പെടെ 52 പന്തില് പുറത്താകാതെ 84 റണ്സെടുത്ത രോഹിതാണ് കളിയിലെ കേമന്. 41 റണ്സ് നേടി ജോസ് ബട്ലറും മുംബൈ ജയത്തില് നിര്ണായക സംഭാവന നല്കി.
നേരത്തെ, ടോസ് നേടിയ മുംബൈ കോല്ക്കത്തയെ ബാറ്റിംഗിനയയ്ക്കുകയായിരുന്നു. ഓപ്പണര് റോബിന് ഉത്തപ്പ (8) യെ തുടക്കത്തില് നഷ്ടമായെങ്കിലും നായകന് ഗംഭീറും (64) മനീഷ് പാണ്ഡെ (52) യും ചേര്ന്ന് കോല്ക്കത്തയെ മുന്നോട്ടു നയിച്ചു. ഇരുവരും ചേര്ന്ന് രണ്ടാം വിക്കറ്റില് 100 റണ്സ് കൂട്ടിച്ചേര്ത്തു. ആന്ദ്രെ റസല് 17 പന്തില്നിന്നു 36 റണ്സ് നേടി പുറത്തായി.
മുംബൈക്കായി മക്ലീനഗന് രണ്ടും ഹര്ഭജനും പാണ്ഡ്യയും ഓരോ വിക്കറ്റ് വീതവും വീഴ്ത്തി.
