ചെന്നൈ: ഐ.എസ്.എൽ ഫുട്ബോളിൽ നിലവിലെ ചാമ്പ്യന്മാരായ ചെന്നൈയിൻ എഫ്.സിയ്ക്ക് സീസണിലെ ആദ്യ ജയം. എഫ്.സി ഗോവയെ ഏകപക്ഷീയമായ രണ്ടു ഗോളുകൾക്കാണ് ചെന്നൈ കീഴടക്കിയത്.
15ാം മിനിറ്റിൽ ഹാൻസ് മൾഡറാണ് ചെന്നൈയ്ക്ക് വേണ്ടി ആദ്യ ഗോൾ നേടിയത്. മെഹ്റാജുദ്ദീൻ വാഡു 24 ാം മിനിറ്റിൽ ചെന്നൈയുടെ ലീഡ് രണ്ടു ഗോളായി ഉയർത്തി.
ജയത്തോടെ ചെന്നൈ നാലു പോയിന്റുമായി അഞ്ചാം സ്ഥാനത്ത് എത്തി. കളിച്ച മൂന്ന് മത്സരങ്ങളിലും തോറ്റ എഫ് സി ഗോവ പോയിന്റ് പട്ടികയിൽ ഏറ്റവും പിന്നിലാണ്. ഒൻപത് പോയിന്റുമായി നോർത്ത് ഈസ്റ്റ് യുണൈറ്റഡാണ് പോയിന്റ് പട്ടികയിൽ ആദ്യ സ്ഥാനത്ത്.