രാഷ്‌ട്രപിതാവ് മഹാത്മാ ഗാന്ധിയുടെ പ്രതിമ ദുബായ് ഇന്ത്യൻ കോൺസുലേറ്റിൽ അനാച്ഛാദനം ചെയ്തു. കോൺസൽ ജനറൽ അനുരാഗ് ഭൂഷൺ പ്രതിമ അനാച്ഛാദനം നിർവഹിച്ചു. യു എ ഇയിൽ ഗാന്ധി സെന്റർ തുടങ്ങുന്നത് പരിഗണനയിലാണെന്ന് അദ്ദേഹം അറിയിച്ചു
പദ്മശ്രീ ബി ആർ ഷെട്ടി, ഉൾപ്പടെ യു എ ഇ യിലെ വിവിധ തുറകളിൽ നിന്നുള്ള പ്രമുഖരും കർണാടക ഗാന്ധി സ്മാരക നിധി അധികൃതരും നൂറു കണക്കിന് ഭാരതീയരും ചടങ്ങിൽ പങ്കെടുക്കാൻ എത്തിയിരുന്നു. ഗാന്ധി അനുസ്മരണ പരിപാടികളും നടന്നു . ഗാന്ധിജിയുടെ ജീവിതത്തിലെ പ്രധാന സംഭവങ്ങളുമായി ബന്ധപ്പെട്ട ചിത്ര പ്രദർശനവും ഗാന്ധി പ്രതിമ അനാച്ഛാദനത്തോടനുബന്ധിച്ചു കോൺസുലേറ്റ് ഒരുക്കിയിരുന്നു.
യു എ ഇ യിൽ ഗാന്ധി സെന്റർ തുടങ്ങുന്നതിനെ കുറിച്ച് ആലോചനയുളളതായും കോൺസൽ ജനറൽ അനുരാഗ് ഭൂഷൺ ജനം ടീവി യോട് പറഞ്ഞു.
