ക്രിക്കറ്റ് ഇതിഹാസം സച്ചിൻ ടെൻടുൽക്കറുടെ ജീവിതം പ്രതിപാദിക്കുന്ന ‘സച്ചിൻ എ ബില്യൻ ഡ്രീംസ്’ എന്ന ചലച്ചിത്രം ഇന്ന് തിയറ്ററുകളിൽ എത്തും. ഏഴായിരം തിയറ്ററുകളിലാണ് ചിത്രം പ്രദർശിപ്പിക്കുക.
കാത്തിരിപ്പുകൾക്കൊടുവിൽ സച്ചിൻ എ ബില്യൻ ഡ്രീംസ് ആരാധകരുടെ മുന്നിൽ.സച്ചിൻ ടെൻടുൽക്കറെന്ന ക്രിക്കറ്റ് ദൈവത്തെ പറ്റി പുറം ലോകം അറിഞ്ഞതും സംഭവങ്ങൾ കോർത്തിണക്കിയാണ് ചിത്രം ഒരുക്കിയിരിക്കുന്നത്.
പ്രധാന വേഷത്തിൽ സച്ചിൻ എത്തുന്നു എന്നതാണ് ചിത്രത്തിന്‍റെ മുഖ്യ ആകർശണം. എം എസ് ധോണി, വിരേന്ദ്ര സേവാഗ് എന്നിവരും ചിത്രത്തിലുണ്ട്.ജയിംസ് എസ്കിൻ സംവിധാനം ചെയ്തിരിക്കുന്ന ചിത്രം ഹിന്ദി, ഇംഗ്ലീഷ്,മറാട്ടി അടക്കം ആറ് ഭാഷകളിലായാണ് ഒരുക്കിയിരിക്കുന്നത്.
എ ആർ റഹമാനാണ് ചിത്രത്തിന്‍റെ സംഗീതം ഒരുക്കിയിരിക്കുന്നത് . ഗാനങ്ങൾ ഇതിനോടകം തന്നെ ഏറെ ശ്രദ്ധേയമായി കഴിഞ്ഞു.ചരിത്രം എഴുതിയ ബാഹുബലിയുടെ ഏറ്റവും കൂടുതൽ തീയറ്ററുകളിൽ റിലീസ് എന്ന റെക്കോർഡ് തകർത്താണ് സച്ചിൻ എത്തുന്നത്.ഏഴായിരം തീയറ്ററുകളിലായാണ് ചിത്രം പ്രദർശിപ്പിക്കുന്നത്. ഇന്ത്യൻ സിനിമ കണ്ടതിൽ ഏറ്റവും ഗംഭീരമായ പ്രീമിയർ ഷോയാണ് സച്ചിന് വേണ്ടി നടന്നത്.
