Sports

ചാമ്പ്യൻസ് ട്രോഫി പാകിസ്ഥാന്

ഓവൽ : ചാമ്പ്യൻസ് ട്രോഫി പാകിസ്ഥാൻ നേടി . കെൻസിംഗ് ടൺ ഓവലിൽ നടന്ന മത്സരത്തിൽ പാകിസ്ഥാൻ ഇന്ത്യയെ 180 റൺസിന് തോൽപ്പിക്കുകയായിരുന്നു .

ആദ്യം ബാറ്റ് ചെയ്ത പാകിസ്ഥാൻ നിശ്ചിത അൻപത് ഓവറിൽ 4 വിക്കറ്റ് നഷ്ടത്തിൽ 338 റൺസെടുത്തു . ഫഖാർ സമാന്റെ സെഞ്ച്വറിയാണ് പാക് ഇന്നിംഗ്സിനു കരുത്തു പകർന്നത്. 57 റൺസെടുത്ത മൊഹമ്മദ് ഹഫീസിന്റെ കൂറ്റനടികളാണ് പാകിസ്ഥാനെ മുന്നൂറു കടത്തിയത് .

മറുപടീ ബാറ്റിംഗിനിറങ്ങിയ ഇന്ത്യ ഒരു ഘട്ടത്തിൽ പോലും ജയപ്രതീക്ഷ ഉയർത്തിയില്ല . ആദ്യ ഓവറിൽ തന്നെ ഓപ്പണർ രോഹിത് ശർമ പവലിയൻ കയറിയതോടെ ഇന്ത്യ സമ്മർദ്ദത്തിലായി . പിന്നീട് ക്യാപ്ടൻ വിരാട് കോലിയും കൂടാരം കയറി . യുവരാജിനും ധവാനും നല്ല തുടക്കം കിട്ടിയെങ്കിലും മുതലാക്കാനായില്ല .

ഹാർദിക് പാണ്ഡ്യയുടെ കൂറ്റനടികൾ ഗ്യാലറിയെ സന്തോഷിപ്പിച്ചെങ്കിലും ജഡേജയുമായുള്ള ധാരണപ്പിശകിൽ വന്ന റണ്ണൗട്ടിലൂടെ അതിനും അവസാനമായി . 43 പന്തിൽ ആറു സിക്സറുകളും 4 ഫോറുകളുമായി 76 റൺസെടുക്കാൻ പാണ്ഡ്യക്ക് കഴിഞ്ഞു .

ജഡേജയും അശ്വിനും ചെറുത്തു നിൽപ്പില്ലാതെ കീഴടങ്ങിയതിനു തൊട്ടു പിന്നാലെ ബൂംറ ഹസൻ അലിയുടെ പന്തിൽ പുറത്തായതോടെ പാകിസ്ഥാൻ ചാമ്പ്യൻസ് ട്രോഫിയിൽ മുത്തമിടുകയായിരുന്നു .

500 Shares
 

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close