സച്ചിൻ ടെണ്ടുൽക്കറുടെ റെക്കോഡ് തകർക്കൽ അത്ര എളുപ്പമല്ല . എന്നാൽ റെക്കോർഡുകളുടെ എണ്ണം കൂടുതലാകുന്നത് കൊണ്ട് എതെങ്കിലുമൊക്കെ റെക്കോർഡുകൾ തകർക്കപ്പെടാറുണ്ട് . അങ്ങനെയൊരെണ്ണമാണ് വിരാട് കോഹ്ലി തകർത്തത് .
ഏകദിന ക്രിക്കറ്റിൽ സ്കോർ പിന്തുടരുമ്പോൾ നേടിയ സെഞ്ച്വറികളിലാണ് കോഹ്ലി സച്ചിനെ കടത്തി വെട്ടിയത് . ഇന്നലെ വെസ്റ്റിൻഡീസിനെതിരെ നേടിയത് കോഹ്ലിയുടെ കരിയറിലെ 28 )0 സെഞ്ച്വറിയും റൺ പിന്തുടർന്ന് നേടുന്ന പതിനെട്ടാം സെഞ്ച്വറിയുമാണ് . സച്ചിൻ 17 സെഞ്ച്വറികളാണ് ചേസ് ചെയ്യുമ്പോൾ നേടിയിട്ടുള്ളത് .
ഈ നേട്ടത്തിന് കോഹ്ലിക്ക് 102 ഇന്നിംഗ്സുകൾ മാത്രമേ വേണ്ടി വന്നുള്ളൂ. ശ്രീലങ്കയുടെ തിലക രത്നെ ദിൽഷനാണ് മൂന്നാം സ്ഥാനത്ത് . 116 ഇന്നിംഗ്സുകളിലായി 11 സെഞ്ച്വറികൾ ദിൽഷൻ നേടിയിട്ടുണ്ട് .കരീബിയൻ മണ്ണിൽ രണ്ട് സെഞ്ച്വറികൾ നേടുന്ന ആദ്യ ഇന്ത്യൻ ക്യാപ്ടനുമാണ് കോഹ്ലി
