കൊച്ചി : വീട്ടില്‍ കടന്ന്‌ കയറി രഹസ്യക്യാമറ ഉപയോഗിച്ച്‌ വീഡിയോ റെക്കോര്‍ഡ്‌ ചെയ്‌ത സംഭവത്തില്‍ രാഹുല്‍ ഈശ്വറിനെതിരെ അഖിലയുടെ കുടുംബം. ഒരു മാസത്തോളം തങ്ങളുടെ പിന്നാലെ കൂടി വിശ്വാസം പിടിച്ചുപറ്റിയ ശേഷമാണ്‌ രാഹുല്‍ ഈശ്വര്‍ ഇത്‌ ചെയ്‌തത്‌. സഹായിക്കാനെന്ന പേരിലെത്തി കുടുംബത്തിന്റെ സുരക്ഷ പോലും അപകടത്തിലാക്കി. വിഷയത്തില്‍ നിയമനടപടികളുമായി മുന്നോട്ട്‌ പോകുമെന്നും അഖിലയുടെ മാതാപിതാക്കള്‍ പറഞ്ഞു.
വാര്‍ത്താ മാധ്യമങ്ങളില്‍ വീഡിയോ കണ്ട ശേഷം ബന്ധുക്കളും അഭിഭാഷകനും വിളിക്കുമ്പോഴാണ്‌ തങ്ങള്‍ സംഭവം അറിയുന്നത്‌. സംസാരത്തിനിടെ വീഡിയോ പകര്‍ത്തുന്ന വിവരം തങ്ങള്‍ അറിഞ്ഞിരുന്നില്ല. ഒരു സന്തോഷത്തിന്‌ കൈവശം സൂക്ഷിക്കാനെന്ന പേരിലാണ്‌ ഫോട്ടോ എടുത്തത്‌. സഹായിക്കാനെന്ന വ്യാജേന വീട്ടില്‍ കടന്ന്‌കൂടി കുടുംബത്തിന്റെ സുരക്ഷ അപകടത്തിലാക്കുകയാണ്‌ അയാള്‍ ചെയ്‌തതെന്നും അഖിലയുടെ പിതാവ് പറഞ്ഞു. രാഹുല്‍ ഈശ്വര്‍ ഭീകരവാദ റിക്രൂട്ടിംഗ്‌ ശൃംഖലയ്‌ക്ക്‌ വേണ്ടിയാണോ ഇങ്ങനെ പ്രവര്‍ത്തിച്ചതെന്ന്‌ സംശയമുണ്ടെന്നും സംഭവത്തില്‍ ഇയാള്‍ക്കെതിരെ നിയമനടപടികളുമായി മുന്നോട്ട്‌ പോകുമെന്നും അശോകന്‍ കൂട്ടിച്ചേര്‍ത്തു.
ദേശീയമാധ്യമങ്ങളില്‍ ഉള്‍പ്പെടെ തങ്ങള്‍ക്ക്‌ വേണ്ടിയെന്ന എന്ന നിലയില്‍ രാഹുല്‍ ഈശ്വര്‍ സംസാരിക്കുന്നത്‌ ഇപ്പോഴാണ്‌ ശ്രദ്ധയില്‍പ്പെടുന്നത്‌. ഇതേപ്പറ്റി യാതൊന്നും അറിയില്ലെന്നും അഖിലയുടെ കുടുംബം പറയുന്നു. അതേസമയം ഒരു മാസത്തോളം അഖിലയുടെ കുടുംബത്തിന്‌ പിന്നാലെ കൂടി വിശ്വാസം പിടിച്ചുപറ്റിയ ശേഷമാണ്‌ രാഹുല്‍ ഈശ്വര്‍ ഇവരുടെ വീട്ടിലെത്തിയതെന്നാണ്‌ സൂചന. ഹൈക്കോടതി നിര്‍ദ്ദേശിച്ച സുരക്ഷ ഒരുക്കുന്നതില്‍ പോലീസ്‌ വീഴ്‌ച വരുത്തിയ സംഭവം എന്‍ഐഎയും ഗൗരവമായി എടുത്തിട്ടുണ്ട്‌.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.