കൊളംബോ : നാൽപ്പത്തഞ്ചാം ഓവറിൽ ചാഹലിന്റെ പന്ത് കയറി അടിക്കാൻ ശ്രമിച്ച് തിരിഞ്ഞ് നോക്കിയ അഖില ധനഞ്ജയ കണ്ടത് ഇളകി വീണ ബെയിൽസും സ്ഥാനം മാറിയ സ്റ്റമ്പുകളുമായിരുന്നു .ധോണിയുടെ നൂറാം സ്റ്റമ്പിംഗ് ഇര . ധനഞ്ജയ ക്രീസ് വിടുമ്പോൾ പിറന്നത് ഒരു ലോക റെക്കോഡ് കൂടിയാണ്.
ഏകദിനത്തിൽ ഏറ്റവും കൂടുതൽ സ്റ്റമ്പിംഗ് നടത്തിയതിന്റെ റെക്കോഡ് ഇനി ഇന്ത്യയുടെ മഹിക്ക് സ്വന്തം . അഖില ധനഞ്ജയയെ സ്റ്റമ്പ് ചെയ്തു കൊണ്ട് ഇക്കാര്യത്തിൽ സെഞ്ച്വറി അടിച്ചിരിക്കുകയാണ് മഹി . ശ്രീലങ്കയുടെ തന്നെ കുമാർ സംഗക്കാരയുടെ റെക്കോഡാണ് പഴങ്കഥയായത് .
കുമാർ സംഗക്കാരയ്ക്ക് 99 പേരെ പുറത്താക്കാൻ 404 ഏകദിനങ്ങൾ വേണ്ടി വന്നപ്പോൾ വെരും 301 ഏകദിനങ്ങളിൽ നിന്നാണ് ധോണി നൂറു തികച്ചത് .ധോണിയെ നൂറടിക്കാൻ സഹായിച്ചവരിൽ ഒന്നാമൻ ഹർഭജനാണ് . 19 പ്രാവശ്യം ഹർഭജന്റെ പന്തിൽ ധോണി സ്റ്റമ്പിംഗ് നടത്തിയിട്ടുണ്ട്.15 പേരെ ജഡേജയുടെ പന്തിലും 14 പേരെ അശ്വിന്റെ പന്തിലും ധോണി പുറത്താക്കിയിട്ടുണ്ട്.