ന്യൂഡല്ഹി:ഇന്ത്യയില് ഓട്ടോമൊബൈല് മേഖല ദിനംപ്രതി വികസിക്കുന്നതിനോടൊപ്പം റോഡ് അപകടങ്ങളും വര്ദ്ധിച്ചുവരുകയാണ്.നിലവില് ഇന്ത്യയില് ഓരോ മണിക്കൂറും 55 പേരും ഒരു ദിവസത്തില് 1320 പേരുമാണ് റോഡ് അപടങ്ങളില് മരിക്കുന്നത്. മരണങ്ങളില് ഭൂരിഭാഗവും അശ്രദ്ധ മൂലവും റോഡ് നിയമങ്ങള് പാലിക്കാത്തതു മൂലവുമാണ്.ഇതില് എടുത്ത് പറയാവുന്നത് സീറ്റ് ബെല്റ്റ് ധരിക്കാത്തതുമൂലം ഉണ്ടാകുന്ന അപകടങ്ങളാണ്.
എന്തുകൊണ്ടാണ് ഇന്ത്യയിലെ ജനങ്ങള് സ്വന്തം സുരക്ഷ ഉറപ്പുവരുത്തുന്നതില് ഇത്ര വൈമുഖ്യം കാണിക്കുന്നതെന്ന് മാരുതിയുടെ എക്സിക്യൂട്ടിവ് ഡയറക്ടര് സിവി രാമന് ചോദിക്കുന്നു.
കാര് കമ്പനികള് ഉപഭോക്താക്കളുടെ സുരക്ഷക്കായി ഏറ്റവും വികസിതമായ സാങ്കേതിക വിദ്യയാണ് ഉപയോഗിക്കുന്നത്.എന്നാല് വാഹനമോടിക്കുന്നവര് ഇത് ഉപയോഗിക്കുന്നില്ലെന്നും അദ്ദേഹം പറയുന്നു.
ഈ വിഷയത്തില് മുന്കൈയെടുക്കേണ്ടത് ജനങ്ങളാണ്.സീറ്റ് ബെല്റ്റ് ധരിക്കുന്നത് ശീലമാക്കിയാല് മാത്രമേ ഈ വിഷയത്തില് പരിഹാരം കണ്ടെത്താനാകു.ലോക ആരോഗ്യ സംഘടനയുടെ കണക്കു പ്രകാരം സീറ്റ് ബെല്റ്റ് ധരിക്കുന്നതോടെ 45-50 ശതാമാനം സുരക്ഷയാണ് യാത്രക്കാര്ക്ക് ലഭിക്കുന്നത്.കൂടാതെ അപകടത്തില് ഉണ്ടാകുന്ന പരിക്ക് കുറക്കാനും ഇത് സഹായിക്കും
സീറ്റ് ബെല്റ്റ് ധരിക്കുക എന്നത് നിര്ബന്ധത്തിലൂടെ നടപ്പിലാക്കേണ്ട ഒന്നല്ല മറിച്ച് ജനങ്ങള് സ്വയം ഇത് ധരിക്കുന്നതിലേക്കു വരണം.ഇതോടെ കാര് യാത്ര സുരക്ഷിതമാക്കുന്നതിനോടൊപ്പം റോഡ് അപകടങ്ങള് കുറക്കാനും സഹായിക്കുമെന്നും സി വി രാമന് പറഞ്ഞു.
അതേസമയം ഇന്ത്യയില് ഒരു വര്ഷം 1.5 ലക്ഷം പേര് റോഡ് അപകടത്തില് മരിക്കുന്ന സാഹചര്യത്തില് 2020 ഓടെ അപകടങ്ങളില് കുറവ് വരുത്തനാണ് സര്ക്കാര് വേണ്ട നടപടി സ്വീകരിക്കുമെന്നും ഗതാഗത മന്ത്രി നിതിന് ഗഡ്കരി പറഞ്ഞു.
