ന്യൂഡൽഹി : കളിതീരാൻ 20 മിനുട്ട് മാത്രം ശേഷിക്കവേയാണ് സംഭവം . ഗൗതം ഗംഭീരും ഇഷാന്ത് ശർമ്മയും നോക്കി നിൽക്കെയാണ് പിച്ചിനു നടുവിലേക്ക് ഒരു വാഗൺ ആർ കാർ പാഞ്ഞു വന്നത് . ഡൽഹി പാലം വ്യോമസേന ഗ്രൗണ്ടിലായിരുന്നു സംഭവം.
ഉത്തർപ്രദേശ് ബാറ്റ് ചെയ്ത് കൊണ്ട് നിൽക്കേയായിരുന്നു സംഭവം. ഉടൻതന്നെ വ്യോമസേന പൊലീസ് സ്ഥലത്തെത്തി ആളിനെ പിടികൂടി . ഗിരീഷ് ശർമ്മ എന്നായാളാണ് കാർ ഓടിച്ചു കയറ്റിയത് . മദ്യപിച്ച് ലക്കുകെട്ടപ്പോഴാണ് ഗിരീഷ് ശർമ്മയുടെ തലയിൽ വിചിത്രമായ ആശയം ഉദിച്ചതെന്ന് ചോദ്യം ചെയ്യലിൽ വ്യക്തമായി .
കാറുകൾക്ക് മാത്രം കടന്നുവരാൻ ഉള്ള ഗേറ്റിലൂടെയാണ് ശർമ്മ ഗ്രൗണ്ടിൽ പ്രവേശിച്ചത് . പാർക്കിംഗ് ഏരിയയിലേക്ക് പോകുന്നതിനു പകരം നേരെ ഗ്രൗണ്ടിലേക്ക് ഓടിച്ചു കയറ്റുകയായിരുന്നു.
