തിരുവനന്തപുരം: ചരിത്ര പ്രസിദ്ധമായ ആറ്റുകാല് പൊങ്കാല നാളെ. പൊങ്കാലയ്ക്കുള്ള ഒരുക്കങ്ങള് എല്ലാം ക്ഷേത്രത്തിലും പരിസര പ്രദേശങ്ങളിലുമെല്ലാം പൂര്ത്തിയായിക്കൊണ്ടിരിക്കുകയാണ്.
വെള്ളിയാഴ്ച രാവിലെ 10.15നാണ് പൊങ്കാല തുടങ്ങുന്നത്. പാണ്ഡ്യരാജാവിന്റെ വധം നടക്കുന്ന ഭാഗം തോറ്റംപാട്ടുകാര് പാടിക്കഴിയുമ്പോഴാണ് പൊങ്കാലയുടെ ചടങ്ങുകള് ആരംഭിക്കുന്നത്. തുടര്ന്ന്, തന്ത്രി തെക്കേടത്ത് കുഴിക്കാട്ട് പരമേശ്വരന് വാസുദേവന് ഭട്ടതിരിപ്പാട് ശ്രീകോവിലില്നിന്നു നല്കുന്ന ദീപത്തില് നിന്നും മേല്ശാന്തി വാമനന് നമ്പൂതിരി തിടപ്പള്ളിയിലെ പൊങ്കാലയടുപ്പില് തീകത്തിക്കും. ഇതോടെ പൊങ്കാലയ്ക്കുള്ള വിളംബരമായി. ഉച്ചയ്ക്ക് 2.30ന് പൊങ്കാല നിവേദ്യം.
ആറ്റുകാല് പൊങ്കാല പ്രമാണിച്ച് നാളെ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫിസുകള്ക്കും കളക്ടര് പ്രാദേശിക അവധി പ്രഖ്യാപിച്ചിട്ടുണ്ട്. പൊങ്കാലയോടനുബന്ധിച്ച് തിരുവനന്തപുരം നഗരത്തിലേക്ക് വരുന്ന വാഹനങ്ങള്ക്കും കര്ശന നിയന്ത്രണമുണ്ടാകും.