ചെന്നൈ: ആരാധകര്‍ക്ക് ആശ്വാസം പകര്‍ന്ന് ബ്ലാസ്റ്റേഴ്സ് സൂപ്പര്‍ കപ്പിന് യോഗ്യത നേടി. ചെന്നൈ ജവഹര്‍ ലാല്‍ നെഹ്‌റു സ്റ്റേഡിയത്തില്‍ നടന്ന മത്സരത്തില്‍ ചെന്നൈയ്ന്‍ എഫ്.സി മുംബൈയെ തോല്‍പ്പിച്ചതോടെയാണ് ബ്ലാസ്റ്റേഴ്സ് നേരിട്ട് സൂപ്പര്‍ കപ്പിലേക്ക് യോഗ്യത നേടിയത്.
നാലാം സീസണ്‍ അവസാനിപ്പിച്ച ബ്ലാസ്റ്റേഴ്സ് ആറാം സ്ഥാനക്കാരായാണ് സൂപ്പര്‍ കപ്പിലേക്ക് നേരിട്ട് യോഗ്യത നേടിയത്. ഏകപക്ഷീയമായ ഒരു ഗോളിനായിരുന്നു ചെന്നൈയുടെ വിജയം.ചെന്നൈയ്‌ക്കായി 67ാം മിനിറ്റില്‍ പെനാല്‍റ്റിയില്‍നിന്ന് റെനെ മിഹിലിച്ച് ആണ് ഗോള്‍ നേടിയത്. ഇതോടെ ചെന്നൈയ്ന്‍ 32 പോയിന്റ് നേടി രണ്ടാം സ്ഥാനം ഉറപ്പിച്ചു.
നാളെ നടക്കുന്ന ഗോവ ജംഷേദ്പുര്‍ മത്സരത്തിലെ വിജയികള്‍ നാലാം സ്ഥാനക്കാരായി പ്ലേ ഓഫിലേക്ക് യോഗ്യത നേടും. മത്സരം സമനിലയില്‍ അവസാനിച്ചാല്‍ ഗോവ നാലാം സ്ഥാനത്തോടെ പ്ലേ ഓഫിലെത്തും.
