Gulf

അബുദാബി ഫെസ്റ്റിവലിന് ഉജ്ജ്വല തുടക്കം ; കാണികളുടെ മനസ്സ് കീഴടക്കി മർച്ചന്റ്‌സ് ഓഫ് ബോളിവുഡ്

പതിനഞ്ചാമത് അബുദാബി ഫെസ്റ്റിവലിന്റെ അരങ്ങുണർത്തി ‘മർച്ചന്റ്‌സ് ഓഫ് ബോളിവുഡ്’.

ഒരു മാസക്കാലം നീണ്ട് നിൽക്കുന്ന സാംസ്കാരിക ആഘോഷ പരിപാടിയായ അബുദാബി ഫെസ്റ്റിവലിന് ഇന്ത്യയിൽ നിന്നുള്ള കലാകാരന്മാരുടെ ‘മർച്ചന്റ്‌സ് ഓഫ് ബോളിവുഡ്’എന്ന പരിപാടിയോടെയാണ് തുടക്കമായത്.ഫെസ്റ്റിവലിൽ ഇന്ത്യയാണ് അതിഥി രാജ്യം.

വൈഭവി മർച്ചൻറ്​, സുലെമാൻ മർച്ചൻറ്​, സലിം മർച്ചൻറ്​, എന്നിവർ പരിപാടിക്ക് നേതൃത്വം നൽകി .അബുദാബി എമിറേറ്റ്സ് പാലസ് ഹോട്ടലിൽ നടന്ന പരിപാടി ആസ്വദിക്കാൻ യുഎഇ സാംസ്​കാരിക–വിജ്ഞാന വികസന വകുപ്പ് മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ,യു.എ.ഇ ഇന്ത്യൻ സ്ഥാനപതി നവദീപ് സിങ് സൂരി തുടങ്ങി നിരവധി പേരാണ് എത്തിയത്.

പ്രശസ്ത സരോദ് വാദകൻ ഉസ്താദ് അംജദ് അലി ഖാന്റെ സംഗീത പരിപാടി, നാടൻകല, ആധുനിക ബാലേ, സമകാലിക നൃത്തരൂപങ്ങൾ, രഘു ദീക്ഷിതിന്റെ സംഗീത പരിപാടി,കാലിഗ്രാഫി കലാകാരനായ രാജീവ് കുമാറിന്റെ കലാ പ്രദർശനം തുടങ്ങിയവ ഫെസ്റ്റിവലിൽ ഇന്ത്യ അവതരിപ്പിക്കും.

30 രാജ്യങ്ങളിൽ നിന്നുള്ള 500ൽ അധികം കലാകാരന്മാരും 40 ഓളം സംഗീതജ്ഞരും അബുദാബി ഫെസ്റ്റിവലിന്റെ ഭാഗമാകും.ഇന്ത്യക്കാരല്ലാത്തവർക്ക് ഇന്ത്യൻ സംസ്കാരത്തെ ആസ്വദിക്കാനും അടുത്തറിയാനുമുള്ള അവസരവുമാണ് അബുദാബി ഫെസ്റ്റിവൽ.

196 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close