ബർമിംഗ്ഹാം : ഓൾ ഇംഗ്ളണ്ട് ബാഡ്മിന്റൺ ചാമ്പ്യൻഷിപ്പ് വനിത സിംഗിൾസിൽ പിവി സിന്ധു സെമിയിൽ. ക്വാർട്ടറിൽ ലോകചാമ്പ്യൻ നൊസോമി ഒകുഹാരയെ വാശിയേറിയ പോരാട്ടത്തിൽ കീഴടക്കിയാണ് സിന്ധു സെമിയിൽ കടന്നത്.
ഇഞ്ചോടിഞ്ച് പോരാട്ടം നടന്ന മത്സരത്തിൽ ഒന്നിനെതിരെ രണ്ട് ഗെയിമുകൾക്കാണ് സിന്ധുവിന്റെ വിജയം . സ്കോർ (20-22 , 21-18, 21-18 ) . ആവേശകരമായ ഒന്നാം ഗെയിമിൽ 20-22 ന് ഒകുഹാര വിജയിച്ചു. എന്നാൽ അടുത്ത രണ്ടു ഗെയിമുകളും ഉജ്ജ്വല പോരാട്ടത്തിലൂടെ സിന്ധു തന്റേതാക്കി മാറ്റി മത്സരം സ്വന്തമാക്കുകയായിരുന്നു.
ജപ്പാന്റെ അകാന യമഗുച്ചി-സ്പെയിന്റെ കരോളിന മാരിൻ പോരാട്ടത്തിലെ വിജയിയെ ആണ് സിന്ധു സെമിയിൽ നേരിടുക.
