Indian Premier LeagueSports

ഡല്‍ഹിയെ തകര്‍ത്ത് ചെന്നൈ

പൂനെ: ഐപിഎല്ലില്‍ ചെന്നൈ സൂപ്പര്‍ കിംഗ്‌സിന് സീസണിലെ ആറാം ജയം. പൂനെയില്‍ നടന്ന മത്സരത്തില്‍ ഡല്‍ഹി ഡെയര്‍ ഡെവിള്‍സിനെ 13 റണ്‍സിനാണ് ചെന്നൈ കീഴടക്കിയത്. ചെന്നൈ ഉയര്‍ത്തിയ 211 റണ്‍സ് പിന്തുടര്‍ന്നിറങ്ങിയ ഡല്‍ഹിക്ക് അഞ്ച് വിക്കറ്റ് നഷ്ടത്തില്‍ 198 റണ്‍സെടുക്കാനെ സാധിച്ചുള്ളു. ആദ്യം ബാറ്റ് ചെയ്ത ചെന്നൈയെ കൂറ്റന്‍ സ്‌കോറിലെത്തിച്ചത് 40 പന്തില്‍ 78 റണ്‍സ് എടുത്ത ഷെയ്ന്‍ വാട്‌സന്റെയും, 22 പന്തില്‍ 51 റണ്‍സ് എടുത്ത ധോണിയുടേയും തകര്‍പ്പന്‍ ഇന്നിംഗ്‌സ്. 24 പന്തില്‍ 41 റണ്‍സുമായി അമ്പാട്ടി റായിഡുവും മികച്ച പ്രകടനം പുറത്തെടുത്തു.

212 റണ്‍സ് എന്ന വിജയ ലക്ഷ്യത്തിലേക്ക് ബാറ്റ് വീശിയ ഡല്‍ഹിയുടെ തുടക്കം തകര്‍ച്ചയോടെയായിരുന്നു. 9 റണ്‍സ് എടുത്ത യുവതാരം പൃഥ്വി ഷായെ മലയാളി താരം കെ എം അസിഫ് പുറത്താക്കി. കൊളിന്‍ മന്റോയെ 26 റണ്‍സിന് പുറത്താക്കി വീണ്ടും ആസിഫ് ഡല്‍ഹിയെ ഞെട്ടിച്ചു. 13 റണ്‍സെടുത്ത ശ്രേയസ് അയ്യരും റൗണ്ണട്ടായി മടങ്ങിയതോടെ ഡല്‍ഹിയുടെ പ്രതീക്ഷകള്‍ കുറഞ്ഞു. മാക്‌സ് വെല്ലിനെ ജഡേജ ബൗള്‍ഡാക്കുമ്പോള്‍ ഡല്‍ഹി 4 വിക്കറ്റിന് 74 റണ്‍സ്.

പക്ഷേ അഞ്ചാം വിക്കറ്റില്‍ ക്രീസില്‍ ഒന്നിച്ച ഋഷഭ് പന്തും വിജയ് ശങ്കറും തകര്‍ത്തടിച്ചതോടെ ഡല്‍ഹി ഉണര്‍ന്നു. ഡല്‍ഹിയുടെ സ്‌കോര്‍ 162ല്‍ നില്‍ക്കെ ഋഷഭ് 79 റണ്‍സുമായി മടങ്ങി. അവസാന ഓവറുകളില്‍ വിജയ് ശങ്കര്‍ ആഞ്ഞടിച്ചെങ്കിലും വിജയത്തിന് 14 റണ്‍സ് അകലെ ഡല്‍ഹിയുടെ ഇന്നിംഗ്‌സ് അവസാനിച്ചു.

306 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close