ഡല്ഹി: ഐപിഎല്ലില് ചെന്നൈ സൂപ്പര് കിംഗ്സിനെതിരെ ഡല്ഹി ഡയര് ഡെവിള്സിന് 34 റണ്സിന്റെ തകര്പ്പന് ജയം. 163 റണ്സ് വിജയലക്ഷ്യം പിന്തുടര്ന്ന ചെന്നൈയ്ക്ക് നിശ്ചിത ഓവറില് ആറു വിക്കറ്റിന് 128 റണ്സ് എടുക്കാനെ കഴിഞ്ഞുള്ളു. ബാറ്റുകൊണ്ടും പന്തു കൊണ്ടും മികച്ച പ്രകടനം കാഴ്ചവച്ച ഹര്ഷാല് പട്ടേലാണ് കളിയിലെ താരം.
മത്സരത്തില് ജയിച്ചെങ്കിലും ഡല്ഹിയുടെ പ്ലേ ഓഫ് സാധ്യതകള് അവസാനിച്ചതാണ്. അഞ്ച് വിക്കറ്റ് നഷ്ടത്തിലാണ് ഡല്ഹി 162 റണ്സ് എടുത്തത്, 38 റണ്സ് എടുത്ത ഋഷഭ് പന്താണ് ഭേദപ്പെട്ട സ്കോറിലെത്തിച്ചത്. വിജയ് ശങ്കറും ഹര്ഷാല് പട്ടേലും 36 റണ്സ് വീതമെടുത്തു.
163 എന്ന സ്കോറില് കളി അവസാനിച്ചപ്പോള് മത്സരത്തില് ചെന്നൈ അനായാസ ജയം നേടുമെന്ന് പ്രതീക്ഷ ഉയര്ന്നു. 28 പന്തില് 50 റണ്സ് എടുത്ത അമ്പാട്ടി റായിഡു മികച്ച തുടക്കം നല്കിയെങ്കിലും ചെന്നൈയുടെ മധ്യനിരയ്ക്ക് മുതലാക്കാനായില്ല. അമിത് മിശ്രയും ട്രന്റ് ബോള്ട്ടുമുള്പ്പെട്ട ബൗളിംഗ് നിര മികച്ച രീതിയില് പന്തെറിഞ്ഞതോടെ ചെന്നൈ കളി കൈവിട്ടു.
എം എസ് ധോണി 17 ഉം സുരേഷ് റെയ്ന 15 ഉം സാം ബില്ലിംഗ്സും ഡെയ്ന് ബ്രാവോയും ഓരോ റണ്സിനും പുറത്തായി. ജയത്തോടെ ഡല്ഹിയ്ക്ക് എട്ടു പോയിന്റായി.