ഐപിഎൽ ഫൈനലിൽ ചെന്നൈ സൂപ്പർ കിംഗ്സിന്റെ എതിരാളി സൺറൈസേഴ്സ് ഹൈദരാബാദ്.
രണ്ടാം ക്വാളിഫയറിൽ കൊൽക്കത്ത നൈറ്റ് റൈഡേഴ്സിനെ 13 റൺസിന് കീഴടക്കിയാണ് ഹൈദരാബാദ് ഫൈനലിൽ കടന്നത്. 175 റൺസ് വിജയലക്ഷ്യം പിന്തുടർന്ന കൊൽക്കത്തയ്ക്ക് നിശ്ചിത ഓവറിൽ ഒൻപത് വിക്കറ്റിന് 161 റൺസ് എടുക്കാനെ സാധിച്ചുള്ളു.
19 റൺസ് വഴങ്ങി മൂന്ന് വിക്കറ്റെടുത്ത റാഷിദ് ഖാനാണ് കൊൽക്കത്ത ബാറ്റിംഗ് നിരയെ തകർത്തത്. സിദ്ധാർത്ഥ് കൗളും ബ്രെത്ത് വെറ്റും രണ്ട് വിക്കറ്റ് വീതമെടുത്തു.
ആദ്യം ബാറ്റ് ചെയ്ത ഹൈദരാബാദ് ഏഴ് വിക്കറ്റ് നഷ്ടത്തിലാണ് 174 റൺസ് എടുത്തത്. വൃദ്ധിമാൻ സാഹ 35 ഉം ശിഖർ ധവാനും, റാഷിദ് ഖാനും 34 റൺസ് വീതവുമെടുത്തു.