Variety

ആണവോർജ്ജ ഉൽപ്പാദനത്തിനായി ചന്ദ്രനിൽ ഖനനം നടത്താൻ പദ്ധതിയുമായി ഇന്ത്യ

മുംബൈ: ആണവോർജ്ജ ഉൽപ്പാദനത്തിനായി ചന്ദ്രനിൽ ഖനനം നടത്താൻ പദ്ധതിയുമായി ഇന്ത്യ. ഉൽപ്പാദനത്തിന് ആവശ്യമായ ഐസോടോപ്പുകളുടെ ഖനനത്തിനായാണ് പദ്ധതി.

ഇന്ത്യയുടെ ബഹിരാകാശ ഗവേഷണ എജൻസിയാണ് ഇത് സംബന്ധിച്ച പദ്ധതിക്ക് ആസൂത്രണം നൽകുന്നത്. 250 വർഷത്തേക്കുള്ള ആഗോള ഊർജ ആവശ്യകത നിറവേറ്റാനാവശ്യമായ ആണവഘടകങ്ങൾ ചന്ദ്രന്റെ ഉപരിതലത്തിലുണ്ടെന്നാണ് ഐഎസ്ആർഒയുടെ കണ്ടെത്തൽ. ചന്ദ്രന്‍റെ ഉപരിതലത്തിൽ ആരും കടന്ന് ചെല്ലാത്ത പ്രദേശമായ വെർജിൻ ടെറിട്ടറിയിൽ ഇന്ത്യ ഇതിനായി പര്യവേഷണം നടത്തും.

പര്യവേഷണങ്ങൾക്കായി ഒക്ടോബറിൽ ഐഎസ്ആർഒ ഒരു റോവർ ചന്ദ്രനിലേക്ക് വിക്ഷേപിക്കും. വെർജിൻ ടെറിട്ടറിയിലെ വെള്ളത്തിന്‍റെയും ഹീലിയത്തിന്‍റെയും സാന്നിദ്ധ്യത്തെക്കുറിച്ചായിരിക്കും റോവർ പഠനം നടത്തുക. ഹീലിയം ഐസോടോപ്പ് ഊർജ്ജ ഉൽപ്പാദനത്തിന് ഏറ്റവും അനുയോജ്യമായ ആണവഘടകമാണ്. ഭൂമിയുടെ ഉപരിതലത്തിൽ പരിമിതമായ തോതിലാണ് ഹീലിയം ഐസോടോപ്പുകളുള്ളത്. എന്നാൽ ചന്ദ്രനിൽ ഇവയുടെ സാന്നിദ്ധ്യം ധാരളാമായി ഉണ്ടെന്നാണ് ഐഎസ്ആർഒയുടെ നിഗമനം.

എല്ലാ രാജ്യങ്ങളും ഇതിനായുള്ള ശ്രമങ്ങൾ ആരംഭിക്കണമെന്നും ഈ ദൗത്യത്തിൽ പങ്കാളിയാവാനല്ല നേതൃത്വം നൽകാനാണ് ഇന്ത്യ ആഗ്രഹിക്കുന്നതെന്നും ഐഎസ്ആർഒ വ്യക്തമാക്കി. മിഷൻ പൂർത്തിയാക്കാൻ ഇന്ത്യ പൂർണ്ണ സജ്ജമാണെന്ന് ഐഎസ്ആർഒ ചെയർമാൻ കെ ശിവൻ പറഞ്ഞു.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close