ജക്കാർത്ത : ബ്രിഡ്ജിൽ സുവർണ നേട്ടം കുറിച്ച് ചരിത്രം സൃഷ്ടിച്ച് ഇന്ത്യ. പതിനഞ്ചാം സ്വർണം നേടിയതോടെ ഏഷ്യൻ ഗെയിംസിന്റെ ചരിത്രത്തിലെ എക്കാലത്തെയും മികച്ച നേട്ടത്തിനൊപ്പമെത്തിയിരിക്കുകയാണ് ഇന്ത്യ .
പ്രണാബ് ബർദ്ദനും ഷിബ്നാഥ് സർക്കാരും അടങ്ങുന്ന ടീമാണ് വിജയം നേടിയത് . ഇതോടെ ആകെ മെഡലിന്റെ എണ്ണത്തിൽ മാത്രമല്ല സ്വർണനേട്ടത്തിലും ഇന്ത്യ റെക്കോഡ് നേട്ടം കൈവരിച്ചിരിക്കുകയാണ് . 1951 ൽ ഇന്ത്യ 15 സ്വർണം നേടിയിരുന്നു.
ബ്രിഡ്ജിൽ പുരുഷ ടീമും മിക്സഡ് ടീമും രണ്ടു വെങ്കലങ്ങൾ കൂടി നേടിയതോടെ ഇന്ത്യയുടെ മെഡൽ നേട്ടം 69 ആയി
