പനീര് ഉപയോഗിച്ച് പല വിഭവങ്ങളും നമ്മള് തയാറാക്കിയിട്ടുണ്ട്. എന്നാല് പനീര്കൊണ്ട് തയാറാക്കാവുന്ന വളരെ ടേസസ്റ്റിയായിട്ടുള്ള ഒരു വിഭവമാണ് പനീര് ബിരിയാണി. സ്പൈസിയായതിനാല് കുട്ടികള്ക്ക് നന്നായി ഇഷ്ടപ്പെടും. രുചിയൂറും പനീര് ബിരിയാണ് തയാറാക്കുന്നത് എങ്ങനെയെന്ന് നോക്കാം.
ചേരുവകള്
ബിരിയാണി അരി 3 കപ്പ്
പനീര് 500 ഗ്രാം
സവാള 500 ഗ്രാം
ഇഞ്ചി 50 ഗ്രാം
വെളുത്തുള്ളി 6 അല്ലി
പെരുംജീരകം അര ടീസ്പൂണ്
കുരുമുളക് പൊടി 2 ടീസ്പൂണ്
നെയ്യ് 100 ഗ്രാം
അണ്ടിപ്പരിപ്പ് 5 എണ്ണം
തയ്യാറാക്കുന്നവിധം
പനീര് ചതുരമായി അരിയുക. മഞ്ഞള്പൊടി, പെരുംജീരകം, കുരുമുളക് പൊടി, ഉപ്പ് എന്നിവ ചേര്ത്ത് പനീര് രണ്ടു മിനിട്ട് ചൂടാക്കുക. ഒരു പാന് ചൂടാക്കി അല്പം നെയ്യില് സവാള വഴറ്റുക. അതിലേക്ക് ഇഞ്ചിയും വെളുത്തുള്ളിയും അരച്ചത് ചേര്ക്കുക. വേവിച്ചുവെച്ചിരിക്കുന്ന പനീര് ഇതില് ചേര്ത്ത് നന്നായി ഇളക്കിച്ചേര്ക്കുക. അരി കഴുകി വേവിച്ചെടുത്തതില് പനീര് മിക്സ് ചെയ്ത് ചെറുതീയില് ചൂടാക്കുക. മല്ലിയിലയും കറിവേപ്പിലയും ചേര്ത്ത് ഉപയോഗിക്കാം.
