തിരൂര് ; ‘ നില്ല് നില്ല് നീലക്കുയിലെ‘ ടിക് ടോക്ക് ചലഞ്ച് കാര്യമായി.മലപ്പുറം ജില്ലയിലെ തിരൂരില് നടന്ന സംഘർഷത്തിൽ എട്ടു പേർക്ക് പരിക്ക്.
വിദ്യാര്ത്ഥികളും നാട്ടുകാരും തമ്മില് ക്രിക്കറ്റ് ബാറ്റും, സ്റ്റംപും, കത്തിയും, കുറുവടികളുമായി നടന്ന സംഘര്ഷത്തില് സ്ത്രീകളടക്കമുള്ളവർക്ക് പരിക്കേറ്റു.
വെള്ളിയാഴ്ച നഗരത്തില് ഓടുന്ന വാഹനം തടഞ്ഞു നിര്ത്തി നൃത്തം ചെയ്തതാണ് സംഘര്ഷത്തിന് കാരണമായത്. അന്നുണ്ടായ ഗതാഗതക്കുരുക്ക് ജനരോഷത്തിന് കാരണമായതോടെ തുടങ്ങിയ സംഘര്ഷാവസ്ഥ മുതിര്ന്നവര് ഇടപെട്ട് പരിഹരിച്ചിരുന്നു.
എന്നാല് തിങ്കളാഴ്ച വിദ്യാര്ഥികള് സംഘം ചേര്ന്ന് സ്ഥലത്തെത്തി നാട്ടുകാരെ മര്ദിക്കുകയായിരുന്നു. സംഘര്ഷത്തിന് ശേഷം വിദ്യാര്ഥികള് ഓടി രക്ഷപ്പെട്ടു. സംഭവത്തില് പോലീസ് അന്വേഷണം തുടരുന്നു.
ഓടുന്ന വാഹനം തടഞ്ഞു നിര്ത്തി, മരച്ചില്ലകളും കൈയിലേന്തി, ജാസി ഗിഫ്റ്റ് പാടിയ ‘നില് നില്ല നീലക്കുയിലേ…’ എന്ന പാട്ടിനൊപ്പം നൃത്തം ചെയ്യുന്നതാണ് സോഷ്യല് മീഡിയ പ്ലാറ്റ് ഫോമായ ടിക് ടോക്കിലെ ‘നില്ല് നില്ല്’ ചലഞ്ച് .