ആകാശതന്ത്രങ്ങളാൽ പാകിസ്ഥാനെ വിറപ്പിച്ച ഇന്ത്യൻ വ്യോമസേനയിലേയ്ക്ക് ഇനി എം ഐ 25 ഹെലികോപറ്റ്റും.ലോകത്തിനു മുന്നിൽ ഇന്ത്യയുടെ കരുത്ത് കാട്ടാൻ ഒരുങ്ങുന്ന വ്യോമസേനയുടെ വായൂശക്തി 2019 എന്ന അഭ്യാസ പ്രകടനത്തിൽ ഇത്തവണ എം ഐ 35 ഹെലികോപ്റ്ററും ഭാഗമാകും.
വിവിധ യുദ്ധസാഹചര്യങ്ങളിൽ ഉപയോഗിക്കാൻ കഴിയുന്ന ഈ ഹെലികോപ്റ്ററുകൾ സ്പെഷ്യൽ ഹെലിബ്രോൺ ഓപ്പറേഷനുകൾ, ടാങ്ക് വേധ പോരാട്ടങ്ങൾ എന്നിവയിലും ഫലപ്രദമാണ്. ശത്രുരാജ്യങ്ങളുടെ ടാങ്കുകളെ നിമിഷങ്ങൾക്കുള്ളിൽ തകർക്കാൻ കഴിയുന്ന എം ഐ ഹെലികോപ്റ്ററുകൾ മറ്റ് റോക്കറ്റുകൾ വിക്ഷേപിക്കാനും ഉതകുന്നതാണ്.
റഷ്യയിൽ നിർമ്മിച്ച ഈ ഹെലികോപ്റ്ററുകൾ ഇതിനോടകം ബ്രസീൽ,അസർബെയ്ജാൻ,നൈജീരിയ,ഖസാക്കിസ്ഥാൻ തുടങ്ങിയ രാജ്യങ്ങൾ സ്വന്തമാക്കിയിട്ടുണ്ട്.
എട്ട് പേർക്ക് യാത്ര ചെയ്യാൻ കഴിയുന്ന ഈ ഹെലികോപ്റ്ററിന് 21.6 മീറ്ററാണ് നീളം.315 കിലോമീറ്ററാണ് പരമാവധി വേഗത,4500 കിലോമീറ്റർ വരെ ഉയരത്തിൽ പറക്കാനുള്ള ശേഷി എം ഐ 35 ഹെലികോപ്റ്ററുകൾക്കുണ്ട്.