India

ബോളിവുഡ് നടന്‍ മഹേഷ് ആനന്ദ് മരിച്ചനിലയില്‍

മുംബൈ: ബോളിവുഡ് നടന്‍ മഹേഷ് ആനന്ദിനെ മരിച്ച നിലയില്‍ കണ്ടെത്തി. 57 വയസായിരുന്നു. മരണകാരണം അറിവായിട്ടില്ല. മൃതദേഹം അഴുകിയ നിലയില്‍ അന്ധേരിയിലെ വസതിയിലാണ് കണ്ടെത്തിയത്. കുറച്ച് നാളുകളായി തനിച്ചായിരുന്നു താമസമെന്ന് മഹേഷിന്റെ സുഹൃത്തുക്കള്‍ പറഞ്ഞു. ഭാര്യ മോസ്‌കോവിലാണ്.

തൊണ്ണൂറുകളിലെ സിനിമകളില്‍ സ്ഥിരം വില്ലന്‍ വേഷം കൈകാര്യം ചെയ്തിരുന്നു. ഗോവിന്ദയുടെ രംഗീല രാജയാണ് മഹേഷ് അവസാനം അഭിനയിച്ച ചിത്രം. മലയാളത്തില്‍ പ്രിയദര്‍ശന്റെ അഭിമന്യൂ എന്ന ചിത്രത്തില്‍ അഭിനയിച്ചിട്ടുണ്ട്. തമിഴില്‍ രജനീകാന്തിന്റെ വീര എന്ന ചിത്രത്തിലും വേഷമിട്ടിട്ടുണ്ട്.
ഷെഹന്‍ഷാ, കൂലി നമ്പര്‍ വണ്‍, കുരുക്ഷേത്ര, മജ്ബൂര്‍ തുടങ്ങിയ ഒട്ടേറെ ചിത്രങ്ങളില്‍ അഭിനയിച്ചിട്ടുണ്ട്. അമിതാഭ് ബച്ചന്‍, ധര്‍മേന്ദ്ര, സഞ്ജയ് ദത്ത് തുടങ്ങിയവര്‍ക്കൊപ്പവും നിരവധി ചിത്രങ്ങളില്‍ നിറസാന്നിധ്യമായിരുന്നു.

മൃതദേഹം പോസ്റ്റ്‌മോര്‍ട്ടത്തിനായി മുംബൈയിലെ കൂപ്പര്‍ ഹോസ്പിറ്റലിലേയ്ക്ക് മാറ്റി.

491 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close