Food

സ്ഥിരം പ്രാതല്‍ വിഭവങ്ങള്‍ കഴിച്ചു മടുത്തോ…? എന്നാല്‍ കൊതിയൂറും കൊത്ത് ഇടിയപ്പമായാലോ

മാഗി അടുക്കളയുടെ പുറത്ത് നിറുത്തിയപ്പോള്‍ ഏറ്റവും കൂടുതല്‍ വിലപിച്ചത് മലയാളികളാണ്. നമ്മുടെ പരമ്പരാഗത വിഭവമായ ഇടിയപ്പത്തിന്റെ പരിഷ്‌കൃത രൂപമാണ് മാഗിക്കുള്ളത്. മാഗിയുടെ വിലക്ക് നാവിന്റെ രസമുകുളങ്ങള്‍ക്കേര്‍പ്പെടുത്തിയ വിലക്ക് പരിഹരിക്കാനാവുന്നതല്ലെങ്കിലും സമാന രൂപത്തിലുള്ള ഒരു പകരക്കാരനാണ് നമ്മുടെ സ്വന്തം ഇടിയപ്പം.

മാഗിയുടെ കൂട്ടുകള്‍ ഒക്കെത്തന്നെ ഇടിയപ്പത്തിലും നമുക്ക് പരീക്ഷിക്കാം. രുചിയിലും ലുക്കിലും വലിയ അന്തരവും ഇല്ല. കാരണം, അരിയിലും ഗോതമ്പിലും ഒക്കെ മാഗി കഴിച്ച് നമ്മള്‍ ശീലമുള്ളതുമാണല്ലോ.
ഇടിയപ്പത്തിന് ആധുനികത നല്‍കുന്ന കൊത്ത് ഇടിയപ്പം എന്ന വിഭവം നമുക്കിവിടെ പരിചയപ്പെടാം.

ആവശ്യമുള്ള സാധനങ്ങള്‍

1. ചിക്കന്‍ എല്ലില്ലാതെ – അര കിലോ

2. മുളക് പൊടി -1 സ്പൂണ്‍
മല്ലിപ്പൊടി – 1 സ്പൂണ്‍
ഗരം മസാല – 1 ചെറിയ സ്പൂണ്‍
മഞ്ഞള്‍പ്പൊടി – അര സ്പൂണ്‍

എണ്ണ – 2 സ്പൂണ്‍

3. സവാള – രണ്ട് (ചെറുതായി അരിഞ്ഞത്)
ഇഞ്ചി, വെളുത്തുള്ളി – 1 സ്പൂണ്‍
തക്കാളി – 2

ഇടിയപ്പം പൊടിയാക്കിയത് – 8

തയ്യാറാക്കുന്ന വിധം

ചിക്കന്‍ വേവിച്ച് മിക്‌സിയില്‍ അടിച്ച് വെയ്ക്കണം
പാനില്‍ എണ്ണ ചൂടാക്കി മൂന്നാമത്തെ വിഭവങ്ങള്‍ നന്നായി വഴറ്റി എടുക്കണം. ഇതില്‍ ചിക്കനും രണ്ടാമത്തെ വിഭവങ്ങളും ചേര്‍ത്ത് ഉലര്‍ത്തിയെടുക്കുക. ഇതില്‍ ഇടിയപ്പം ചേര്‍ത്ത് ഇളക്കണം. മല്ലിയിലയും കറിവേപ്പിലയും ചേര്‍ത്ത് ഉപയോഗിക്കാം.

281 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close