Vehicle

മലിനീകരണ നിയന്ത്രണത്തിലെ കര്‍ശന വ്യവസ്ഥകള്‍; ഡീസല്‍ വാഹനങ്ങളുടെ നിര്‍മാണം അവസാനിപ്പിക്കാനൊരുങ്ങി സുസുക്കി

മുബൈ: രാജ്യത്തെ ഏറ്റവും വലിയ വാഹന നിര്‍മ്മാണകമ്പനിയായ മാരുതി സുസുകി ഡീസല്‍ വാഹനങ്ങളുടെ നിര്‍മ്മാണം അവസാനിപ്പിക്കുന്നതായി പ്രഖ്യാപിച്ചു. മറ്റുള്ള കാര്‍ നിര്‍മ്മാണ കമ്പനികള്‍ക്ക് മുമ്പ് തന്നെ എല്ലാം ചെയ്യുന്നതാണ് സുസുകിയുടെ പ്രത്യേകത. അതുതന്നെയാണ് മാരുതി സുസുകിയെ രാജ്യത്തെ ഏറ്റവും വലിയ വാഹന നിര്‍മ്മാണകമ്പനിയാക്കി മാറ്റിയത്.

2020 ഏപ്രിലില്‍ ബിഎസ് 6 മലിനീകരണ നിയമം രാജ്യത്ത് പ്രാബല്യത്തില്‍ വരും. മലിനീകരണ നിയന്ത്രണം സംബന്ധിച്ചുള്ള കര്‍ശന വ്യവസ്ഥകള്‍ അടങ്ങിയ നിയമം രാജ്യത്ത് പ്രാബല്യത്തില്‍ വരുന്നതുകൊണ്ടാണ് ഡീസല്‍ വാഹനങ്ങളുടെ നിര്‍മ്മാണം അവസാനിപ്പിക്കാന്‍ കമ്പനി തീരുമാനിച്ചത്. ഡീസല്‍ കാറുകളുടെ വില്‍പ്പനയിലും കഴിഞ്ഞ കുറച്ചു വര്‍ഷങ്ങളായി വലിയ ഇടിവാണ് രേഖപ്പെടുത്തിയത്. സ്വിഫറ്റ്, ബലെനോ, ഡിസയര്‍, സിയാസ്, എര്‍ട്ടിഗ എന്നീ മോഡലുകള്‍ ഡീസലിലും പെട്രോളിലും ലഭിക്കുബോള്‍ വിറ്റാര ബ്രസാ, എസ് ക്രോസ് എന്നിവ ഡീസല്‍ എന്ജിനുമായി മാത്രമേ വില്‍ക്കുന്നുള്ളൂ.

ഡീസല്‍ എഞ്ചിനുകള്‍ ബിഎസ് 6 നിലവാരത്തിലേക്ക് മാറ്റുക എന്നത് എളുപ്പമുള്ള കാര്യമല്ല. വലിയൊരു തുക തന്നെ ഉപഭോക്താക്കള്‍ ഇതിനായി മുടക്കേണ്ടി വരും. അതുകൊണ്ടാണ് ഡീസല്‍ വാഹനങ്ങളെ ഒഴിവാക്കാന്‍ കമ്പനി തീരുമാനിച്ചതെന്ന് മാരുതി സുസുക്കി ചെയര്‍മാന്‍ ആര്‍ സി ഭാര്‍ഗവ പറഞ്ഞു. ഡീസല്‍ വാഹനങ്ങള്‍ക്ക് പകരം കൂടുതല്‍ സിഎന്‍ജി വാഹനങ്ങള്‍ അവതരിപ്പിക്കാനാണ് ഇപ്പോള്‍ കമ്പനി ലക്ഷ്യമിടുന്നത് എന്നും അദ്ദേഹം അറിയിച്ചു.

291 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close