ന്യൂയോര്ക്ക്: പ്രമുഖ ഇലക്ട്രിക് കാര് നിര്മാതാക്കളായ ടെസ്ലയ്ക്ക് 70.2 കോടി ഡോളറിന്റെ നഷ്ടം. കഴിഞ്ഞ പാദത്തില് കമ്പനിയുടെ വരുമാനത്തില് 37 ശതമാനം ഇടിവുണ്ടായതായി ടെസ്ല രേഖപ്പെടുത്തി. ഇലോണ് മസ്ക് ആണ് ഇലക്ട്രിക് കാര് നിര്മാണക്കമ്പനിയായ ടെസ്ലയുടെ സ്ഥാപകന്.
വിദേശത്ത് കാര് വിതരണത്തിലുണ്ടായ ഇടിവാണ് നഷ്ടത്തിനു കാരണമെന്നാണ് കമ്പനിയുടെ വിലയിരുത്തല്. കമ്പനി നഷ്ടത്തിലേക്ക് നീങ്ങാനുണ്ടായ കാരണങ്ങളെ കുറിച്ച് വിശദമായ അന്വേഷണങ്ങള് നടത്തിയെന്നും ഇതിന് ഉടന് പരാഹാരം കണ്ടെത്തുമെന്നും ടെസ്ല വാര്ത്താക്കുറിപ്പിലൂടെ അറിയിച്ചു.
ആവശ്യകതയ്ക്ക് അനുസരിച്ച് വിതരണം നടത്താന് സാധിക്കാത്ത നിരവധി വിപണികള് ഇപ്പോഴും കമ്പനിക്കുണ്ടെന്നും വാര്ത്താക്കുറിപ്പിലൂടെ വ്യക്തമാക്കുന്നുണ്ട്.കഴിഞ്ഞ പാദത്തിലുണ്ടായ പ്രശ്നങ്ങള് പരിഹരിച്ച് അടുത്ത പാദത്തില് വരുമാന വളര്ച്ച പ്രകടമാക്കുമെന്നും ടെസ്ല അറിയിച്ചു.
