വിവാഹശേഷമുള്ള നീണ്ട ഇടവേള കഴിഞ്ഞു ചലച്ചിത്ര ലോകത്തേക്ക് തിരിച്ചെത്തുകയാണ് ഭാവന 99 എന്ന കന്നട ചിത്രത്തിലൂടെ. തെന്നിന്ത്യന് പ്രേക്ഷകരുടെ മനം കീഴടക്കിയ ചിത്രം 96 ന്റെ കന്നടപതിപ്പിലൂടെയാണ് ഭാവനയുടെ മടങ്ങി വരവ്. ഭാവനയും ഗണേഷും പ്രധാന വേഷത്തിലെത്തുന്ന കന്നട പതിപ്പായ 99 ലെ പുതിയ ഗാനം പുറത്തുവിട്ടിരിക്കുകയാണ് അണിയറ പ്രവര്ത്തകര്.
പ്രേക്ഷക ഹൃദയങ്ങളെ ആഴത്തില് സ്പര്ശിച്ച ‘കാതലേ കാതലേ’ എന്ന ഗാനത്തിന്റെ കന്നട പതിപ്പായ ‘ആഗിദേ ആഗിദേ’ എന്ന ഗാനമാണ് പുറത്തുവന്നിരിക്കുന്നത്. മികച്ച പ്രതികരണമാണ് ഇതിനോടകം ഗാനത്തിനു ലഭിച്ചത്. ഗാനത്തിനു സംഗീതം നല്കിയിരിക്കുന്നത് അര്ജുന് ജന്യയാണ്. പ്രീതം ഗബ്ബിയാണ് ചിത്രത്തിന്റെ സംവിധാനം നിര്വ്വഹിച്ചിരിക്കുന്നത്. മെയ് 1 നാണ് ചിത്രത്തിന്റെ റിലീസ്.
റാമിന്റേയും ജാനുവിന്റേയും പ്രണയവും വിരഹവും ചിത്രീകരിച്ച 96 ല് റാമിന്റെ വേഷത്തില് വിജയ് സേതുപതിയും ജാനുവായി തൃഷയുമാണെത്തിയത്. കേരളത്തിലും തമിഴ്നാട്ടിലുമായി പ്രദര്ശിപ്പിച്ച ചിത്രം വന് വിജയമാണ് നേടിയത്. പ്രണയവും വിരഹവും ഇഴ ചേര്ന്ന ചിത്രം ഇപ്പോഴും ഓരോ പ്രേക്ഷക മനസിലും നിറഞ്ഞു നില്ക്കുന്നുണ്ട്.