ന്യൂഡൽഹി: പതിനാറാം ലോക്സഭ രാഷ്ട്രപതി പിരിച്ചുവിട്ടു. കേന്ദ്ര മന്ത്രിസഭയുടെ ശുപാർശയെ തുടർന്നാണ് ലോക്സഭ പിരിച്ചുവിട്ടത്. ഇന്നലെ പ്രധാനമന്ത്രി നരേന്ദ്ര മോദിയുടെ ഓഫീസിൽ ചേർന്ന പ്രത്യേക മന്ത്രിസഭാ യോഗത്തിലായിരുന്നു ലോക്സഭ പിരിച്ചുവിടാൻ ശുപാർശ ചെയ്യാൻ തീരുമാനിച്ചത്. ഇന്നലെ വൈകുന്നേരം രാഷ്ട്രപതിയെ കണ്ട് പ്രധാനമന്ത്രി ഇക്കാര്യം അറിയിക്കുകയും ചെയ്തിരുന്നു.
ലോക്സഭാ തെരഞ്ഞെടുപ്പിലെ വൻ വിജയത്തിന് ശേഷം ഇന്ന് വൈകുന്നേരം ഡൽഹിയിൽ എൻഡിഎ യോഗം ചേരുന്നുണ്ട്. യോഗത്തിൽ പാർലമെന്ററി പാർട്ടി നേതാവായി നരേന്ദ്ര മോദിയെ തെരഞ്ഞെടുക്കും. ശേഷം രാഷ്ട്രപതിയെ കാണുന്ന മോദി പുതിയ സർക്കാർ രൂപീകരിക്കാൻ അവകാശവാദമുന്നയിക്കും.
നേരത്തെ മുഖ്യ തെരഞ്ഞെടുപ്പ് ഓഫീസറടങ്ങുന്ന സംഘം രാഷ്ട്രപതിയെ കണ്ട് പുതുതായി തെരഞ്ഞെടുക്കപ്പെട്ട എംപിമാരുടെ പട്ടിക കൈമാറിയിരുന്നു.