‘തല’ അജിത്തിന്റെ പുതിയ ചിത്രം നേര്ക്കൊണ്ട പാര്വൈ, റിലീസിനു മുമ്പു തന്നെ
ചിത്രത്തിന്റെ പ്രധാന സീനുകള് തമിഴ് മലയാളം സിനിമ ഫ്രീ ഡൗണ്ലോഡ് സൈറ്റായ തമിഴ് റോക്കേഴ്സില്.
കഴിഞ്ഞ ദിവസം സിംഗപൂരില് വെച്ചാണ് ചിത്രത്തിന്റെ ആദ്യ പ്രദര്ശനം നടന്നത്. അജിത്തിന് ഏറെ ആരാധകരുള്ള ഇടമാണ് സിംഗപൂര്. അതേ സമയം ചെന്നൈയില് പ്രസ് സ്ക്രീനിങ്ങും നടന്നിരുന്നു. ഈ രണ്ടിടങ്ങളില് എവിടെ നിന്നെങ്കിലുമാകാം സീനുകള് ലീക്ക് ചെയതതെന്നാണ് അനുമാനം.
ഹിന്ദി സിനിമയിലെ എക്കാലത്തേയും മികച്ച സിനിമകളില് ഒന്നാണ് പിങ്ക്. ഏറെ ചര്ച്ച ചെയ്യപ്പെട്ട പിങ്കിന്റെ തമിഴ് പതിപ്പാണ് നേര്ക്കൊണ്ട പാര്വൈ. അമിതാഭ് ബച്ചന് അഭിനയിച്ചു തകര്ത്ത റോള് ആണ് നേര്ക്കൊണ്ട പാര്വൈയില് അജിത്ത് ചെയ്തത്.
നീതി ലഭിക്കാതെ പേടിപ്പിക്കുന്ന അനുഭവങ്ങള് മാത്രം മൂന്നു രാവും പകലും വേട്ടയാടുന്ന മൂന്നു പെണ്കുട്ടികളുടെ ജീവിതത്തെ കുറിച്ച് പറയുന്ന സിനിമയാണ് നേര്ക്കൊണ്ട പാര്വൈ
വളരെ ശക്തവും, സാമൂഹിക പ്രാധാന്യവും അര്ഹിക്കുന്ന സിനിമയാണ് നേര്ക്കൊണ്ട പാര്വൈ.
അജിത്തിന് പുറമെ വിദ്യാബാലന്, ശ്രദ്ധ ശ്രീനാഥ്, അഭിരാമി വെങ്കിടാചലം, അന്ഡ്രിയ, രംഗരാജ് പാണ്ഡെ എന്നിവരാണ് അഭിനേതാക്കള്.