ശ്രീലങ്കന് സ്പിന് ഇതിഹാസം മുത്തയ്യ മുരളിധരന്റെ ജീവതത്തെ ആസ്പദമാക്കി നിര്മ്മിക്കുന്ന ചിത്രത്തില് നിന്നും വിജയ് സേതുപതി പിന്മാറിയതായി വിവരം. 800 എന്ന് പേരിട്ടിരിക്കുന്ന സിനിമയില് മുത്തയ്യയായി വേഷമിടുന്നത് വിജയ സേതുപതിയാണെന്ന് നേരത്തെ വിവരം ഉണ്ടായിരുന്നു.
തമിഴകത്തെ പ്രധാന രാഷ്ട്രീയ പാര്ട്ടികളില് നിന്ന് എതിര്പ്പ് വന്നതിനെ തുടര്ന്നാണ് വിജയ് സേതുപതി പിന്മാറിയെതെന്നാണ് വിവരം. അതേസമയം, ചിത്രത്തിന്റെ അണിയറ പ്രവര്ത്തകരോ, വിജയ് സേതുപതിയോ ഇതേ സംബന്ധിച്ച് പ്രതികരിക്കാന് തയാറായിട്ടില്ല.
മുരളിയെ അവതരിപ്പിക്കുക ഏറ്റവും വലിയ വെല്ലുവിളിയാണെന്നും മുത്തയ്യയുടെ ജീവചരിത്ര സിനിമയുമായി സഹകരിക്കുന്നതില് വളരെയധികം സന്തോഷിക്കുന്നുവെന്നും വിജയ് സേതുപതി നേരത്തെ പറഞ്ഞിരുന്നു.
അതേസമയം, തന്റെ ബയോപികില് വിജയ് സേതുപതി നായകനാകുന്നതില് സന്തോഷമേയുള്ളുവെന്ന് മുരളിധരന് വ്യക്തമാക്കിയിരുന്നു. ടെസ്റ്റ് ക്രിക്കറ്റില് മുത്തയ്യ നേടിയ 800 വിക്കറ്റിനെ സൂചിപ്പിച്ച് കൊണ്ടാണ് ചിത്രത്തിന് 800 എന്ന പേരിട്ടത്. ശ്രീപതി രംഗസ്വാമിയാണ് ചിത്രം സംവിധാനം ചെയ്യുന്നത്.
