Entertainment

ബിഗില്‍ ദീപാവലിക്ക്; താരങ്ങള്‍ക്കും അണിയറ പ്രവര്‍ത്തകര്‍ക്കും സ്വര്‍ണ്ണ മോതിരം സമ്മാനിച്ച് നടന്‍ വിജയ്

ഫുട്‌ബോളിനെ പ്രമേയമാക്കി ഒരുങ്ങുന്ന ‘ബിഗില്‍’ സിനിമയെ ആവേശത്തോടെ കാത്തിരിക്കുകയാണ് നടന്‍ വിജയ്‌യുടെ ആരാധകര്‍. സിനിമയുടെ ചിത്രീകരണം 95 ശതമാനത്തോളം തീര്‍ന്നുവെന്നാണ് വിവരം. സിനിമയുടെ പോസ്റ്റ് പ്രൊഡക്ഷന്‍ ജോലികള്‍ പുരോഗമിച്ചു കൊണ്ടിരിക്കുകയാണ്. ദീപാവലി റിലീസായാണ് ‘ബിഗില്‍
‘ തിയറ്ററുകളില്‍ എത്തുക.

തന്റെ ഓരോ സിനിമയുടേയും ഷൂട്ടിങ്ങ് കഴിയുമ്പോഴും വിജയ് എന്തെങ്കിലും സര്‍പ്രൈസ് കൂടെയുള്ളവര്‍ക്ക് നല്‍കാറുണ്ട്. ഇത്തവണയും അത് മുടക്കിയില്ല. സിനിമയിലെ തന്റെ ഭാഗങ്ങളുടെ ചിത്രീകരണം പൂര്‍ത്തിയായ അവസാന ദിനത്തില്‍ സിനിമയില്‍ പ്രവര്‍ത്തിച്ച എല്ലാവര്‍ക്കും സ്വര്‍ണ മോതിരം സമ്മാനിച്ചാണ് ഇത്തവണ വിജയ് ഞെട്ടിച്ചത്

‘ബിഗില്‍’ എന്നെഴുതിയ മോതിരം വിജയ് ഓരോരുത്തര്‍ക്കും അണിയിച്ച് കൊടുക്കുകയും ചെയ്തിരുന്നു. 400 പേര്‍ക്കാണ് വിജയ് മോതിരം നല്‍കിയത്. ഇതോടൊപ്പം വിജയിയുടെ കൂടെ അഭിനയിച്ചവര്‍ക്ക് തന്റെ കൈയൊപ്പോടു കൂടിയ ഫുട്‌ബോളും സമ്മാനിച്ചിരുന്നു. വിജയ്‌യുടെ പക്കല്‍നിന്ന് സമ്മാനം ലഭിച്ചതിനുള്ള സന്തോഷം ബിജില്‍ ടീം പങ്കുവച്ചു. ഇതിന്റെ ചിത്രങ്ങള്‍ സിനിമ പ്രവര്‍ത്തകര്‍ ട്വിറ്ററില്‍ പോസ്റ്റു ചെയ്തിട്ടുണ്ട്.

തെറി, മെര്‍സല്‍ തുടങ്ങിയ ഹിറ്റ് ചിത്രങ്ങള്‍ക്ക് ശേഷം വിജയ്-ആറ്റ്‌ലി കൂട്ടുകെട്ടില്‍ ഒരുങ്ങുന്ന ചിത്രമാണ് ബിഗില്‍. ഫുട്‌ബോള്‍ കോച്ചിന്റെ കഥപറയുന്ന ചിത്രത്തില്‍ നയന്‍താരയാണ് നായിക.

സ്പോര്‍ട്സ് ത്രില്ലറായി എത്തുന്ന ചിത്രത്തിന് സംഗീതം ഒരുക്കുന്നത് എ.ആര്‍ റഹ്മാനാണ്. വിജയുടെ രണ്ട് ഗെറ്റപ്പുകളാണ് ചിത്രത്തിലുള്ളത്. കതിര്‍, ജാക്കി ഷ്രോഫ്, വിവേക്, ഡാനിയേല്‍ ബാലാജി, യോഗി ബാബു, വര്‍ഷ ബൊലമ്മ എന്നിവരും ചിത്രത്തില്‍ വേഷമിടുന്നു.

147 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close