Sports

ലാ ലീഗയില്‍ ബാഴ്‌സലോണക്ക് തോല്‍വിയോടെ തുടക്കം; റയല്‍ മാഡ്രിഡ് ഇന്ന് ഇറങ്ങും

മാഡ്രിഡ്: ലാ ലീഗയില്‍ നിലവിലെ ചാംപ്യന്‍മാരായ ബാഴ്‌സലോണക്ക് തോല്‍വിയോടെ തുടക്കം. അത്‌ലറ്റികോ ബില്‍ബാവോയാണ് ബാഴ്‌സയെ എതിരില്ലാത്ത ഒരു ഗോളിന് പരാജയപ്പെടുത്തിയത്. മത്സരത്തിന്റെ 88-ാം മിനിട്ടിലാണ് ബില്‍ബാവോയുടെ വിജയ ഗോള്‍ പിറന്നത്. ആര്‍ട്ടിസ് അഡൂരിസാണ് വിജയശില്‍പി.

പരിശീലനത്തിനിടെ പരിക്കേറ്റ സൂപ്പര്‍ താരം ലയണല്‍ മെസിയില്ലാതെയാണ് ബാഴ്‌സലോണ ആദ്യ മത്സരത്തിനിറങ്ങിയത്. കഴിഞ്ഞ മെയ്യില്‍ കോപ്പ ഡെല്‍റെയുടെ കലാശപ്പോരാട്ടത്തില്‍ വലന്‍സിയയോടേറ്റ തോല്‍വിക്ക് ശേഷം മെസി ബാഴ്‌സക്കു വേണ്ടി കളിച്ചിട്ടില്ല.

എന്നാല്‍ ബില്‍ബാവോക്കെതിരെ പരിക്കേറ്റ സ്‌ട്രൈക്കര്‍ ലൂയിസ് സുവാരസ് ആദ്യ പകുതിയില്‍ കളം വിട്ടതും ബാഴ്‌സക്ക് തിരിച്ചടിയായി. ലാ ലീഗയില്‍ അരങ്ങേറ്റം കുറിച്ച ഫ്രഞ്ച് താരം അന്റോയിന്‍ ഗ്രീസ്മാനും തിളങ്ങാനായില്ല. ലയണല്‍ മെസിയെ ബാഴ്‌സലോണ എത്രമാത്രം ആശ്രയിക്കുന്നു എന്നത് വെളിവാക്കുന്നതായിരുന്നു ബില്‍ബാവോക്കെതിരായ മത്സരം.

അതേ സമയം സ്പാനിഷ് ലീഗില്‍ റയല്‍ മാഡ്രിഡ് ഇന്ന് ആദ്യ മത്സരത്തിനിറങ്ങും. സെല്‍റ്റാ വിഗോയാണ് എതിരാളി. പരിക്കേറ്റ് വിശ്രമത്തിലുള്ള ഏദന്‍ ഹസാര്‍ഡ് ഇന്ന് റയലിനായി കളിച്ചേക്കില്ലെന്നാണ് സൂചന.

36 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close