പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് ഷൈലോക്ക്. ഗുഡ് വില് എന്റര്ടൈന്മെന്സ് നിര്മ്മിക്കുന്ന സിനിമയുടെ സാറ്റലൈറ്റ് അവകാശം സൂര്യ ടിവി സ്വന്തമാക്കിയിരിക്കുകയാണ്. ഫേസ്ബുക്ക് പേജിലൂടെ സൂര്യ ടിവി തന്നെയാണ് ഇക്കാര്യം വ്യക്തമാക്കിയത്.
രാജാധിരാജ, മാസ്റ്റര് പീസ് തുടങ്ങിയ ചിത്രങ്ങള്ക്ക് ശേഷം മമ്മൂട്ടിയും-അജയ് വാസുദേവും ഒരുമിക്കുന്ന മാസ്് ചിത്രമാണ് ഷൈലോക്ക്. സിനിമയുടെ പേര് പ്രഖ്യാപന വേളയില് തന്നെ തരംഗമായി മാറിയ സിനിമയാണിത്. വലിയ താരനിരയായിരുന്നു ടൈറ്റില് ലോഞ്ചില് പങ്കെടുത്തത്.
ചിത്രത്തില് താന് വില്ലനാണെന്നും മീനയും രാജ് കിരണമാണ് നായികാ-നായികന്മാരെന്ന് മമ്മൂട്ടി ടൈറ്റില് ലോഞ്ചിനിടെ പറഞ്ഞിരുന്നു. നീണ്ട ഇടവേളയ്ക്ക് ശേഷം തമിഴ്നടി മീന മലയാളത്തിലേക്ക് തിരിച്ചു വരുന്ന സിനിമ കൂടിയാണിത്. കൂടാതെ തമിഴ് താരമായ രാജ് കിരണ് മലയാളത്തില് ആദ്യമായി അഭിനയിക്കുന്നുവെന്നതും ചിത്രത്തിന്റെ പ്രത്യേകതയാണ്.
അനീഷ് ഹമീദ്, ബിബിന് മോഹന് എന്നീ നവാഗതരുടേതാണ് ചിത്രത്തിന്റെ തിരക്കഥ. ബിബിന് ജോര്ജ്ജ്, ബൈജു സന്തോഷ്, സിദ്ദിഖ്, കലാഭവന് ഷാജോണ്, ഹരീഷ് കണാരന്, ജോണ് വിജയ് തുടങ്ങിയവരാണ് ചിത്രത്തിലെ മറ്റ് അഭിനേതാക്കള്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജ് ആണ് നിര്മ്മാണം
