വിന്ഡീസിനെതിരായ ടെസ്റ്റ് പരമ്പരയ്ക്ക് മുന്നോടിയായി നടക്കുന്ന സന്നാഹ മത്സരത്തില് വെസ്റ്റ് ഇന്ഡീസ് എ ടീമിനെതിരെ ഇന്ത്യക്ക് മികച്ച സ്കോര്. ത്രിദിന സന്നാഹ മത്സരത്തിന്റെ ആദ്യ ദിനം കളിയവസാനിപ്പിക്കുമ്പോള് ഇന്ത്യ അഞ്ച് വിക്കറ്റ് നഷ്ടത്തില് 297 റണ്സെടുത്തു. മത്സരത്തില് ടോസ് നേടിയ ഇന്ത്യ ബാറ്റിങ് തിരഞ്ഞെടുക്കുകയായിരുന്നു.
അന്റിഗ്വായിലെ കൂളിഡ്ജ് ക്രിക്കറ്റ് ഗ്രൗണ്ടില് നടക്കുന്ന മത്സരത്തില് ഇന്ത്യക്കായി ഇന്നിങ്സ് ഓപ്പണ് ചെയ്തത് കെ.എല്.രാഹുലും മായങ്ക് അഗര്വാളുമായിരുന്നു. കെ എല് രാഹുല് 36 ഉം മായങ്ക് അഗര്വാള് 12 ഉം അജിന്ക്യ രഹാനെ 1 ഉം റണ്സെടുത്ത് പുറത്തായി.
സെഞ്ചുറി നേടിയ ചേതേശ്വര് പൂജാരയുടെയും അര്ധസെഞ്ചുറി നേടിയ രോഹിത് ശര്മ്മയുടെയും ഇന്നിങ്സാണ് ഇന്ത്യക്ക് മികച്ച സ്കോര് സമ്മാനിച്ചത്. 187 പന്തില് 100 റണ്സ് തികച്ചതും പൂജാര റിട്ടയര്ഡ് ഹര്ട്ടായി. പിന്നാലെ 115 പന്തില് 68 റണ്സെടുത്ത രോഹിത് പുറത്തായി.
വിരാട് കോഹ്ലിയുടെ അഭാവത്തില് അജിങ്ക്യ രഹാനെയാണ് ഇന്ത്യന് ടീമിനെ നയിക്കുന്നത്. എന്നാല് മത്സരത്തില് ഒന്ന് പൊരുതാന് പോലും താരത്തിന് സാധിച്ചില്ല. അതേസമയം അഞ്ചാമനായി ഇറങ്ങിയ രോഹിത് ശര്മ്മ 68 റണ്സെടുത്ത് ടെസ്റ്റ് ക്രിക്കറ്റിലും മികവ് തെളിയിച്ചു. രോഹിത്തും പുറത്തായതോടെ ക്രീസിലെത്തിയ ഹനുമ വിഹാരിയും ഋഷഭ് പന്തുമാണ് സ്കോര് മുന്നൂറിനടുത്ത് എത്തിച്ചത്.
ഓഗസ്റ്റ് 22നാണ് ഇന്ത്യയുടെ വിന്ഡീസ് പര്യടനത്തിലെ ആദ്യ ടെസ്റ്റ് മത്സരം. ഇതോടെ ഇന്ത്യയുടെ ലോക ടെസ്റ്റ് ചാമ്പ്യന്ഷിപ്പ് മത്സരങ്ങള്ക്കും തുടക്കമാകും. നേരത്തെ ഏകദിന ടി20 മത്സരങ്ങള് സ്വന്തമാക്കിയ ഇന്ത്യ കരീബിയന് മണ്ണിലെ പൂര്ണ ആധിപത്യമാണ് ലക്ഷ്യമിടുന്നത്.
