ലോര്ഡ്സ്: ആഷസ് പരമ്പരയിലെ രണ്ടാം ടെസ്റ്റില് ആതിഥേയരായ ഇംഗ്ലണ്ടിനെതിരെ ഓസ്ട്രേലിയക്ക് 267 റണ്സ് വിജയലക്ഷ്യം. രണ്ടാം ഇന്നിംഗ്സില് ഇംഗ്ലണ്ട് 5 വിക്കറ്റ് നഷ്ടത്തില് 258 റണ്സിന് ഡിക്ലയര് ചെയ്തു. ഇംഗ്ലണ്ടിനു വേണ്ടി ബെന് സ്റ്റോക്സ് സെഞ്ച്വറി(115*) നേടി. ഒടുവില് വിവരം ലഭിക്കുമ്പോള് ഓസീസ് 3 വിക്കറ്റ് നഷ്ടത്തില് 123 റണ്സെന്ന നിലയിലാണ്.
രണ്ടാം ഇന്നിംഗ്സില് ഇംഗ്ലണ്ട് ഓപ്പണര് ജേസന് റോയ് (3) വീണ്ടും നിരാശപ്പെടുത്തി. റോയ് ബേണ്സ് 29 റണ്സ് നേടിയപ്പോള് നായകന് ജോ റൂട്ട് ആദ്യ പന്തില് തന്നെ പുറത്തായത് ഇംഗ്ലണ്ടിന് തിരിച്ചടിയായി. 165 പന്തില് 115 റണ്സ് നേടി പുറത്താകാതെ നിന്ന ബെന് സ്റ്റോക്സിന്റെ പ്രകടനമാണ് ഇംഗ്ലണ്ടിന് മികച്ച സ്കോര് സമ്മാനിച്ചത്.
ഓസീസിന് വേണ്ടി പാറ്റ് കമ്മിന്സ് 3 വിക്കറ്റും പീറ്റര് സിഡില് രണ്ട് വിക്കറ്റും വീഴ്ത്തി.
രണ്ടാം ഇന്നിംഗ്സില് 267 റണ്സ് വിജയലക്ഷ്യവുമായി ബാറ്റിംഗ് ആരംഭിച്ച ഓസ്ട്രേലിയക്ക് കാമെറൂണ് ബന്ക്രോഫ്റ്റ്(16), ഡേവിഡ് വാര്ണ്ണര്(5), ഉസ്മാന് ഖവാജ(2) എന്നിവരുടെ വിക്കറ്റുകളാണ് നഷ്ടമായത്. മാര്നസ് ലബുസ്ചഗ്നെ(50*), ട്രാവിസ് ഹെഡ്(34*) എന്നിവരാണ് ക്രീസില്.
ജോഫ്ര ആര്ച്ചര് 2 വിക്കറ്റ് വീഴ്ത്തിയപ്പോള് ജാക്ക് ലീച്ച് ഒരു വിക്കറ്റ് സ്വന്തമാക്കി. ആദ്യ ടെസ്റ്റ് വിജയിച്ച ഓസീസ് പരമ്പരയില് 1-0ന് മുന്നിലാണ്.