Kerala

മരണ വീട്ടില്‍ കയറി സിപിഎം പ്രവര്‍ത്തകരുടെ വെല്ലുവിളി; പ്രതിഷേധിച്ച അയല്‍വാസിയുടെ വീടിന് നേരെ ആക്രമണം

തൃശൂര്‍: മരണ വീട്ടില്‍ കയറി സി പി എം പ്രവര്‍ത്തകരുടെ കൊലവിളി. കുന്നംകുളത്ത് വാഹനാപകടത്തില്‍ മരണപ്പെട്ട ബി ജെ പി പ്രവര്‍ത്തകന്റെ വീട്ടില്‍ ആയുധങ്ങളുമായെത്തിയാണ് സംഘം വെല്ലുവിളി നടത്തിയത്. അക്രമി സംഘം സമീപത്തെ വീടാക്രമിക്കുകയും ചെയ്തു.

ബി ജെ പി പ്രവര്‍ത്തകന്‍ പ്രവീണിന്റെ വീട്ടിലാണ് സംസ്‌കാര ചടങ്ങുകള്‍ക്കിടെ അക്രമി സംഘം എത്തിയത്. 20 ഓളം വരുന്ന സി പി എം പ്രവര്‍ത്തകര്‍ മരണവീട്ടില്‍ കൊലവിളി നടത്തുകയായിരുന്നു. സി പി എം പ്രവര്‍ത്തകരുടെ വെല്ലുവിളി ചോദ്യം ചെയ്തതിനാണ് അയല്‍വാസിയുടെ വീട് ആക്രമിച്ചത്. അക്രമത്തെ പ്രതിരോധിക്കാന്‍ ശ്രമിച്ച വീട്ടുടമസ്ഥയ്ക്ക് കൈയ്ക്ക് പരിക്കേല്‍ക്കുകയും ചെയ്തു.

മാങ്ങാട് പ്രദേശത്ത് സി പി എം പ്രവര്‍ത്തകരുടെ അക്രമങ്ങള്‍ പതിവാണ്. സംഭവത്തിനെതിരെ പ്രദേശവാസികളായ വീട്ടമ്മമാര്‍ പൊലീസ് സ്റ്റേഷനിലെത്തി പരാതി നല്‍കിയിട്ടുണ്ട്. എന്നാല്‍ അക്രമികള്‍ക്കെതിരെ പോലീസ് നടപടികളൊന്നും സ്വീകരിച്ചിട്ടില്ല.

 

556 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close