NewsIndia

പ്ലാസ്റ്റിക് നിരോധനം; വാരാണസിയിലെ 760 ഗ്രാമത്തലവന്മാര്‍ക്ക് പ്രധാനമന്ത്രിയുടെ കത്ത്

വാരാണസി: പ്ലാസ്റ്റിക് നിരോധനവുമായി ബന്ധപ്പെട്ട് വാരാണസിയിലെ 760 ഗ്രാമത്തലവന്മാര്‍ക്ക് പ്രധാനമന്ത്രി കത്തയച്ചു. രാജ്യത്ത് ഒറ്റത്തവണ ഉപയോഗിക്കുന്ന പ്ലാസ്റ്റിക്കുകള്‍ പൂര്‍ണമായും നശിപ്പിക്കുക എന്ന ലക്ഷ്യത്തോടെ ആരംഭിച്ച സ്വച്ഛതാ ഹെ സേവയുടെ ഭാഗമായാണ് മോദി ഗ്രാമത്തലവന്‍മാര്‍ക്ക് കത്തയച്ചത്.

സെപ്റ്റംബര്‍ 11നും ഒക്ടോബര്‍ 2 നും ഉള്ളില്‍ ഗ്രാമങ്ങള്‍ പൂര്‍ണ്ണമായും പ്ലാസ്റ്റിക് വിമുക്തമാക്കണമെന്നാണ് മോദി കത്തില്‍ പറഞ്ഞിരിക്കുന്നത്. സെപ്റ്റംബര്‍ ഒന്‍പതിനാണ് പ്രധാനമന്ത്രിയുടെ കത്ത് ജില്ല അധികൃതര്‍ക്ക് ലഭിച്ചത്. അടുത്ത ദിവസമായ സെപ്റ്റംബര്‍ 10 നു തന്നെ എല്ലാ ഗ്രാമത്തലവന്‍മാര്‍ക്കും കത്ത് കൈമാറിയെന്ന് ജില്ലാ മജിസ്ട്രറ്റ് സുരേന്ദ്ര സിങ് അറിയിച്ചു.

ഒറ്റത്തവണ ഉപയോഗിക്കുന്ന പ്ലാസ്റ്റിക് മാലിന്യത്തിന്റെ അളവ് രാജ്യത്ത് വര്‍ധിച്ചു വരികയാണെന്നും അത് പരിസ്ഥിതിയുടെ സന്തുലനാവസ്ഥ തകര്‍ക്കുമെന്നും പ്രധാനമന്ത്രി കത്തില്‍ വ്യക്തമാക്കുന്നു. സ്വാതന്ത്ര്യ ദിനത്തില്‍ രാജ്യത്തെ അഭിസംബോധന ചെയ്ത് സംസാരിച്ചപ്പോള്‍ പ്ലാസ്റ്റിക് ഉപയോഗം പൂര്‍ണമായും ഉപേക്ഷിക്കാന്‍ പ്രധാനമന്ത്രി ജനങ്ങളോട് ആഹ്വാനം ചെയ്തിരുന്നു. അടിയന്തിരമായി പ്ലാസ്റ്റിക് ഉപയോഗം നിര്‍ത്തണമെന്നും അതോടൊപ്പം മാലിന്യങ്ങളില്‍ നിന്ന് പൂര്‍ണമായും പ്ലാസ്റ്റിക് വേര്‍തിച്ചെടുക്കണമെന്നും പ്രധാനമന്ത്രി ഗ്രാമത്തലവന്മാര്‍ക്ക് അയച്ച കത്തില്‍ പറയുന്നു.

സ്വച്ഛതാ ഹെ സേവ മിഷനില്‍ രാജ്യത്തെ ഓരോ വ്യക്തിയും പങ്കു ചേര്‍ന്നാലെ രാജ്യത്തു നിന്നും പൂര്‍ണമായും പ്ലാസ്റ്റിക് ഉപയോഗം നിര്‍ത്തലാക്കാന്‍ സാധിക്കുകയുള്ളുവെന്നും അതുകൊണ്ടു തന്നെ മിഷനില്‍ ഓരോരുത്തരും പങ്കു ചേരണമെന്നും പ്രധാനമന്ത്രി പറഞ്ഞു. ഒക്ടോബര്‍ രണ്ടിനകം വാരാണസിയിലെ ഗ്രാമങ്ങളില്‍ നിന്നും പൂര്‍ണമായും പ്ലാസ്റ്റിക് നീക്കം ചെയ്യണമെന്നും മോദി പറഞ്ഞു.

പ്രാദേശിക ഭരണകൂടങ്ങളുടെ സഹയാത്തോടെ പ്ലാസ്റ്റിക് നിരോധനം നടപ്പാക്കണമെന്നും, കൂടാതെ ജനങ്ങളെ ഇതിനെ കുറിച്ച് ബോധവാന്മാരാക്കണമെന്നും അദ്ദേഹം സൂചിപ്പിച്ചു. ഗ്രാമം,നഗരം, സ്‌കൂള്‍ തുടങ്ങി എല്ലായിടങ്ങളിലും ക്യാമ്പെയ്ന്‍ പൂര്‍ണ വിജയമാക്കണമെന്നും പ്രധാനമന്ത്രി പറഞ്ഞു. ഇത് രണ്ടാം തവണയാണ് പ്രധാനമന്ത്രി ഗ്രാമത്തലവന്ാരെ സമീപിക്കുന്നത്. നേരത്തെ ജലം സംരക്ഷണവുമായി ബന്ധപ്പെട്ടാണ് പ്രധാനമന്ത്രി ഗ്രാമത്തലവന്മാര്‍ക്ക് കത്തയച്ചത്.

579 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close