മോസ്കോ: റഷ്യയുടെ യുദ്ധവിമാനശ്രേണിയിലേയ്ക്ക് അതിശക്തനായ ഒരംഗം പിറവി എടുക്കുന്നു. ആറാം തലമുറയില്പ്പെട്ട യുദ്ധവിമാനത്തിന്റെ വിവരം പുറത്തുവിട്ടിരിക്കുന്നത് സ്റ്റേറ്റ് റിസര്ച്ച് ഇന്സ്റ്റിറ്റ്യൂട്ട് ഓഫ് ഏവിയേഷന് സിസ്റ്റംസ് മേധാവി ജനറല് സെര്ഗി ഖോഖ്ലോവാണ്.
‘ ആറാം തലമുറ ജെറ്റ് വിമാനത്തിന്റെ പണിപ്പുരയിലാണ് റഷ്യ.അഞ്ചാം തലമുറ യുദ്ധവിമാനങ്ങളുമായുള്ള സുപ്രധാന വ്യത്യാസം ഇത് ആളില്ലാവിമാനമായിരിക്കുമെന്നതാണ്.എന്നിരുന്നാലും പൈലറ്റിനും ഇരുന്ന് ഉപയോഗിക്കാവുന്ന സംവിധാനം മാറ്റുന്നില്ല.മികച്ച വേഗവും സാങ്കേതികതയും റഡാറില് കണ്ടെത്താനാകാത്തതുമായിരിക്കും പുതിയ ജെറ്റ്’ഖാഖ്ലോവ് പറഞ്ഞു.
യുദ്ധവിമാനങ്ങളില് എസ് യു 57 വിഭാഗമാണ് റഷ്യ നിലവില് ഉപയോഗിക്കുന്നത്.ബഹിരാകാശ യുദ്ധവിഭാഗത്തിനായുള്ള എസ് യു 57 വിമാനം ഈ വര്ഷമവസാനത്തോടെ കൈമാറും. നിലവില് റഷ്യയുടെ വ്യോമസേനാവിഭാഗവും 76 യുദ്ധവിമാനങ്ങള് ഉപയോഗിച്ചുതുടങ്ങിയതായി ഖോഖ്ലോവ് അറിയിച്ചു.
നിലവില് അമേരിക്കയാണ് അഞ്ചാം തലമുറ വിമാനമുപയോഗിക്കുന്ന അപൂര്വ്വം രാജ്യങ്ങളിലൊന്ന്. യുഎസിന് നിലവില് എഫ് 35,22 എന്നീ രണ്ടു തരം യുദ്ധവിമാനങ്ങളുണ്ട്. അവ കയറ്റുമതിചെയ്യാനും തുടങ്ങിയിട്ടുണ്ട്.
