ബംഗളൂരു: ഇന്ത്യന് നായകന് വിരാട് കോഹ്ലിക്കെതിരെ പെരുമാറ്റ ദൂഷ്യത്തിന് നടപടി. ദക്ഷിണാഫ്രിക്കക്കെതിരായ മൂന്നാം ട്വന്റി20 മത്സരത്തിനിടെയുണ്ടായ മോശം പെരുമാറ്റത്തിനെതിരെയാണ് നടപടി. ദക്ഷിണാഫ്രിക്കന് താരം ബ്യൂറന് ഹെന്ഡ്രിക്സിനെ തോളുകൊണ്ട് ഇടിച്ചതിനെതിരെയാണ് ഐസിസി താരത്തിന് താക്കീത് നല്കിയിരിക്കുന്നത്. ഇതിനു പുറമേ ഒരു ഡീമെറിറ്റ് പോയിന്റും കോഹ്ലിയുടെ മേല് ചുമത്തിയിട്ടുണ്ട്.
മൂന്നാം മത്സരത്തില് ഇന്ത്യ ബാറ്റ് ചെയ്യുന്നതിനിടെയാണ് സംഭവം. ഹെന്ഡ്രികസ് എറിഞ്ഞ അഞ്ചാം ഓവറില് റണ്ണിനായി കോഹ്ലി ഓടുന്നതിനിടെ മനപ്പൂര്വം ബൗളറെ തോളുകൊണ്ട് ഇടിച്ചതിനാണ് ഇന്ത്യന് നായകന് ഐസിസി താക്കീത് നല്കിയിരിക്കുന്നത്. പെരുമാറ്റച്ചട്ടം ലെവല് ഒന്നാണ് കോഹ്ലി ലംഘിച്ചിരിക്കുന്നത്. രാജ്യാന്തര മത്സരത്തിനിടെ സഹതാരം, സപ്പോര്ട്ട് സ്റ്റാഫ്, റഫറി തുടങ്ങി ആരുടെയെങ്കിലും ദേഹത്ത് അപകടകരമായ രീതിയില് സ്പര്ശിക്കുന്നത് വിലക്കുന്ന നിയമമാണ് ലെവല് ഒന്ന്. 2016 സെപ്റ്റംബറില് ഐസിസി പെരുമാറ്റച്ചട്ടം പുതുക്കിയ ശേഷം കോഹ്ലിയുടെ പേരില് മൂന്ന് ഡീമെറിറ്റ് പോയിന്റുകളായിരിക്കുകയാണ്.
നേരത്തെ, മൂന്നാം മത്സരത്തില് ഇന്ത്യയെ 9 വിക്കറ്റിന് പരാജയപ്പെടുത്തിയ ദക്ഷിണാഫ്രിക്ക പരമ്പര 1-1ന് സമനിലയിലാക്കിയിരുന്നു. ആദ്യ മഴമൂലം ഉപേക്ഷിപ്പോള് രണ്ടാം മത്സരത്തില് ഇന്ത്യ വിജയിച്ചിരുന്നു.
