ഇഞ്ചിയോന്: ചൈനാ ഓപ്പണിന് പിന്നാലെ ലോക ബാഡ്മിന്റണ് ജേതാവ് പി.വി.സിന്ധുവിന് ആദ്യറൗണ്ടില് ഞെട്ടിക്കുന്ന പരാജയം. അമേരിക്കയുടെ ബീവെന് സാങ്ങിനോടാണ് സിന്ധു 21-7,22-24,15-21 എന്ന സ്കോറിന് പരാജയപ്പെട്ടത്.
കിരീടംചൂടിയ ലോകചാമ്പ്യന്ഷിപ്പില് സിന്ധു 11-ാം സീഡ് അമേരിക്കന് താരത്തെ അനായാസം തോല്പിച്ചതായിരുന്നു.നിലവില് 5-ാം സീഡായ സിന്ധുവിന്റെ അടുപ്പിച്ചുള്ള തോല്വികള് ക്ഷീണമായിരിക്കുകയാണ്.ഇന്ത്യയുടെ സൈനാ നെഹവാളിന് ഇതേ ടൂര്ണ്ണമെന്റില് ഇന്ന് മത്സരമുണ്ട്.മറ്റൊരു മത്സരത്തില് സായ്പ്രണീതും ആദ്യറൗണ്ടില് ആന്ഡേഴ്സണെതിരെ പരിക്കേറ്റ് പിന്മാറിയതും ഭാരതത്തിന് തിരിച്ചടിയായി.
ലോകകിരീടത്തോടെ മുന് ഒളിമ്പിക് ചാമ്പ്യന് ചൈനയുടെ സാംഗ് നിംഗിന്റെ 2001-2007ലെ ഒരു സ്വര്ണം,2 വെള്ളി, 2വെങ്കലം എന്ന നേട്ടത്തിനൊപ്പമെത്തി നില്ക്കുകയാണ് ഭാരത താരം.ഏറെ പ്രശസ്തയായ ജപ്പാന് താരം ഓകുഹാരയെയാണ് സിന്ധു തകര്ത്തത്. തുടക്കത്തില് കളിയ്ക്ക് വേഗതനേടാന് കഴിയാതെ ആദ്യഗെയിമുകള് കൈവിടുന്ന പിഴവുകള് പൂര്ണ്ണമായും നികത്തുന്ന പ്രകടനമാണ് സിന്ധു ലോകചാമ്പ്യന്ഷിപ്പില് നടത്തിയത്. കഴിഞ്ഞ രണ്ടുവര്ഷമായി പ്രധാനപ്പെട്ട 4 ചാമ്പ്യന്ഷിപ്പില് റണ്ണറപ്പായി മടങ്ങേണ്ടിവന്ന സിന്ധുവിനെ തളര്ത്തിയ നിരവധി വിലയിരുത്തലുകള് പലമേഖലകളില് നിന്നുയരുകയും ചെയ്തിരുന്നു.
