റിയാദ്: ദേശീയ സുരക്ഷാ ഉപദേഷ്ടാവ് അജിത് ഡോവല് സൗദിഅറേബ്യയിലെത്തി. ജമ്മുകശ്മീര് വിഷയത്തില് അന്താരാഷ്ട്രതലത്തില് വ്യക്തതവരുത്തുന്നതിന്റെ ഭാഗമായിട്ടാണ് യാത്ര. പാകിസ്ഥാന് പ്രധാനമന്ത്രി ഇമ്രാന്ഖാന് അമേരിക്കയില് നിന്നും മടങ്ങും വഴി സൗദിയിലിറങ്ങിയതിന് പുറകേയാണ് ഇന്ത്യന് സംഘം എത്തിയിരിക്കുന്നത്.
അജിത് ഡോവലിന്റെ നേതൃത്വത്തിലുള്ള സംഘം മുഹമ്മദ് ബിന് സല്മാന് രാജാവുമായി കൂടിക്കാഴ്ച നടത്തും. ഇരുരാജ്യങ്ങളും ഉഭയകക്ഷി വിഷയങ്ങളിലും മേഖലയിലെസുരക്ഷാപ്രശ്നങ്ങളും ചര്ച്ചചെയ്യുമെന്നാണ് പ്രതിരോധമന്ത്രാലയം വ്യക്തമാക്കുന്നത്.സൗദിയുമായി ഭാരതത്തിന്റെ ബന്ധം പുതിയ അന്താരാഷ്ട്രസംഭവവികാസങ്ങള്ക്കിടയിലും താളംതെറ്റാതിരിക്കാനുള്ള പരിശ്രമമാണ് ഇത്തരം യാത്രകള്കൊണ്ട് ഉദ്ദേശിക്കുന്നതെന്ന് പ്രതീക്ഷിക്കപ്പെടുന്നു.
പ്രധാനമന്ത്രിയുടെ അടുത്ത ഉദ്യോഗസ്ഥന് എന്നതിലുപരി ഭാരതം കശ്മീരില് എടുത്തുകളഞ്ഞ 370-ാം വകുപ്പടക്കം വിവിധ വിഷയങ്ങള് വിശദീകരിക്കാനുള്ള ദൗത്യമാണ് സുരക്ഷാ ഉപദേഷ്ടാവായ ഡോവലിനുള്ളത്. പാകിസ്ഥാനെ പ്രത്യക്ഷത്തില് തന്നെ കശ്മീര് വിഷയത്തില് ചൈനയും മലേഷ്യയും തുര്ക്കിയും പിന്തുണച്ചിരുന്നു. എന്നാല് സാമ്പത്തിക ശക്തിയായ യുഎഇയും സൈനികശക്തിയായ സൗദിയും നിഷ്പക്ഷനിലപാടെടുത്തത് ഭാരതവുമായുള്ള ബന്ധത്തിന്റെ ശക്തമായ തെളിവായി പ്രതിരോധ വിദ്ഗ്ധര് ചൂണ്ടിക്കാട്ടി.
