പിതോടാഗഡ്(ഉത്തരാഘണ്ട്): അതിര്ത്തിസുരക്ഷ ശക്തമാക്കുന്നതിന്റെ ഭാഗമായി ഇന്ത്യയും കസാഖിസ്ഥാനും സംയുക്തസൈനിക പരിശീലനം ആരംഭിച്ചു.ഭീകരര്ക്കെതിരെയും നുഴഞ്ഞുകയറ്റക്കാര്ക്കെതിരെയും സ്വീകരിക്കേണ്ട സൈനിക പ്രതിരോധങ്ങളുടേയും ആക്രമണങ്ങളുടേയും രീതികള് മെച്ചപ്പെടുത്തലാണ് പരിശീലനത്തിന്റെ ഉദ്ദേശം.
ഭാരത കസാഖിസ്ഥാന് സംയുക്ത സൈനികാഭ്യാസത്തിന്റെ നാലാം ഘട്ടമാണ് ഉത്തരാഘണ്ടിലെ പിതോടാഗഡില് നടക്കുന്നത്.കാസിന്ദ് 2019 എന്ന് പേരിട്ടിരിക്കുന്ന പരിശീലനപരിപാടി 3 ദിവസമായിട്ടാണ് പൂര്ത്തിയാവുക.കടുപ്പമേറിയ മലനിരകളിലും കൊടുംകാടുകളിലുമാണ് പരിശീലനം നടക്കുന്നത്.
കായിക-യുദ്ധ പരിശീലനങ്ങള്ക്ക് പുറമേ വിവിധ അന്താരാഷ്ട്ര ഭീകരതാ വിഷയങ്ങളെപ്പറ്റിയും ഭീകരവിരുദ്ധ നിയമങ്ങളെപ്പറ്റിയും പ്രതിരോധവിദഗ്ധരുടെ ക്ലാസ്സുകളും നടക്കുന്നുണ്ട്. പരിശീലനത്തിന്റ അവസാനഘട്ടത്തില് സൈനികരുടെ കായികക്ഷമതാ പ്രദര്ശനങ്ങളും അരങ്ങേറും. ഇരുസൈനിക വിഭാഗങ്ങളും പരസ്പരം സുപ്രധാന ഭീകരവിരുദ്ധ ആക്രമണ- പ്രതിരോധ വിവരങ്ങളും കൈമാറും.
