Entertainment

ബിനീഷ് ബാസ്റ്റിന്‍ അപമാനിക്കപ്പെട്ട സംഭവം: കോളേജ് പ്രിന്‍സിപ്പല്‍ മന്ത്രിയെ കാണാനെത്തി, തെറ്റിദ്ധാരണയെന്ന് അനില്‍ രാധാകൃഷ്ണന്‍

പാലക്കാട്: നടന്‍ ബിനീഷ് ബാസ്റ്റിന്‍ അപമാനിക്കപ്പെട്ട സംഭവം മന്ത്രിയെ കണ്ട് നേരിട്ട് വിശദീകരിക്കാന്‍ മെഡിക്കല്‍ കോളേജ് പ്രിന്‍സിപ്പല്‍ തിരുവനന്തപുരത്തെത്തി. മന്ത്രി എ.കെ ബാലനെ നേരിട്ട് കണ്ട് വിശദീകരിക്കാനാണ് പ്രിന്‍സിപ്പല്‍ എത്തിയത്. മന്ത്രി ആവശ്യപ്പെട്ടിട്ടില്ലെന്നും സംഭവം വിവാദമായ സാഹചര്യത്തിലാണ് തിരുവനന്തപുരത്ത് എത്തിയതെന്ന് പ്രിന്‍സിപ്പല്‍ പറഞ്ഞു.

തന്റെ സിനിമയില്‍ അവസരം ചോദിച്ച് നടക്കുന്ന ഒരു മൂന്നാംകിട നടനൊപ്പം വേദി പങ്കിടാന്‍ തയ്യാറല്ലെന്നാണ് അനില്‍ രാധാകൃഷ്ണ മേനോന്‍ പറഞ്ഞത്. തുടര്‍ന്ന് ചടങ്ങ് തുടങ്ങുന്നതിന് ഒരു മണിക്കൂര്‍ മുമ്പ് പ്രിന്‍സിപ്പലും യൂണിയന്‍ നേതാക്കളും ബിനീഷിനെ വിവരമറിയിക്കുകയായിരുന്നു. ഇതിനെതിരെ ബിനീഷ് വേദിയില്‍ കുത്തിയിരുന്ന് പ്രതിഷേധിച്ചിരുന്നു. സംഭവം വിവാദമായതോടെയാണ് പ്രിന്‍സിപ്പാല്‍ വിശദീകരണവുമായി മന്ത്രിയെ കാമാന്‍ എത്തിയത്.

ബിനീഷിനെ ജാതി പരമായി താന്‍ അധിക്ഷേപിച്ചിട്ടില്ലെന്ന വിശദീകരണവുമായി സംവിധായകന്‍ അനില്‍ രാധാകൃഷ്ണ മേനോന്‍ രംഗത്തെത്തി. ബിനീഷിനെ പോലെയുള്ള വലിയ താരങ്ങള്‍ വരുമ്പോള്‍ തന്റെ ആവശ്യമില്ലെന്നാണ് താന്‍ പറഞ്ഞതെന്നും കോളേജ് അധികൃതര്‍ തെറ്റിദ്ധരിച്ചതാണെന്നും അനില്‍ രാധാകൃഷ്ണന്‍ പറഞ്ഞു. താന്‍ അറിയാത്ത കാര്യങ്ങളാണ് ഇപ്പോള്‍ നടക്കുന്നതെന്നും അനില്‍ പറഞ്ഞു.

എന്നാല്‍ ബിനീഷ് വേദിയില്‍ വന്ന് പ്രതിഷേധിച്ചത് എന്തിനാണെന്ന് മനസിലായില്ലെന്നും പല തവണ അദ്ദേഹത്തെ വേദിയില്‍ വിളിച്ചെങ്കിലും അദ്ദേഹം വരാന്‍ തയ്യാറായില്ലെന്നും അനില്‍ വ്യക്തമാക്കി. ഇതോടെയാണ് പ്രസംഗിക്കാതെ താന്‍ ഇറങ്ങി പോയതെന്നും അനില്‍ പറയുന്നു. അതേസമയം ബിനീഷ് അപമാനിക്കപ്പെട്ട സംഭവത്തില്‍ നിരവധി പേരാണ് വിമര്‍ശനവുമായി രംഗത്തെത്തിയത്.

197 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close