കൊച്ചി: പരിസ്ഥിതി സൗഹൃദ വിനോദ സഞ്ചാരത്തിലൂടെ കേരളം നേടിയത് 137 കോടി രൂപയെന്ന് കണക്കുകള്. വനംവകുപ്പിന്റെ നേതൃത്വത്തിലുള്ള വിനോദ സഞ്ചാര മേഖലക്കാണ് വരുമാനനേട്ടമുണ്ടായത്. പ്രളയം രണ്ടു കൊല്ലം തുടര്ച്ചയായി വന്നിട്ടും ജലഗതാഗതമടക്കം സംയോജിപ്പിച്ച വിനോദ സഞ്ചാരമാണ് നേട്ടമായിമാറിയത്.
2018ലെ സാമ്പത്തിക വര്ഷത്തിലെ കണക്കുകളാണ് ലഭ്യമായത്. 60 വിനോദ സഞ്ചാര കേന്ദ്രങ്ങളാണ് വനംവകുപ്പുമായി സംയോജിപ്പിച്ച്് നടക്കുന്നത്. മധ്യകേരളത്തിലെ സുപ്രധാന കേന്ദ്രമായ വാഴച്ചാലാണ് വരുമാനത്തില് മുന്നില്. ഇന്ത്യയിലെ നയാഗ്രാ വെള്ളച്ചാട്ടമെന്ന് പേരെടുത്ത അതിരപ്പിള്ളി 47.77 കോടിരൂപ നേടിക്കൊടുത്തു. പറമ്പിക്കുളം 29.41 കോടിയാണ് വരുമാനമുണ്ടാക്കിയത്.
സഞ്ചാരികളുടെ കണക്കുകളില് 24537 വിദേശികളാണ് കേരളം ആസ്വദിക്കാനെ- ത്തിയതെങ്കില് 42032 വിദ്യാര്ത്ഥികളും പരിസ്ഥിതി സൗഹൃദത്തിന്റെ ഭാഗമായി. ആകെ സീസണില് 12.68 ലക്ഷം സഞ്ചാരികള് കഴിഞ്ഞ സീസണില് കേരളത്തിലെത്തി.
കേരളത്തിന്റെ മൊത്തം വിസ്തീര്ണ്ണം 38863 ചതുരശ്ര കിലോ മീറ്ററാണ്. ഇതില് 29 ശതമാനം വനമേഖലയാണ്. ഏതാണ്ട് 11521 ചതുരശ്ര കിലോമീറ്ററാണ്. ഇതില് 6 ദേശീയ വനോദ്യാനങ്ങളുണ്ട്. ഇതു കൂടാതെ 17 വന്യജീവി സങ്കേതങ്ങളുമുണ്ട്.