കൊച്ചി: കേരളത്തിൽ ഫുട്ബോൾ അക്കാദമി തുടങ്ങുമെന്ന് മുൻ ഇന്ത്യൻ ഫുട്ബോൾ ടീം നായകൻ ബൈചുംങ് ബൂട്ടിയ. കൊച്ചിയിലും കോഴിക്കോട്ടുമാണ് അടുത്തവർഷം അക്കാദമി ആരംഭിക്കുക. അക്കാദമി തുടങ്ങുന്നതിന്റെ ഭാഗമായി ഡിസംബർ ഒന്നിന് മഹാരാജാസ് കോളേജിലും ഡിസംബർ 8ന് കോഴിക്കോട് മെഡിക്കൽ കോളേജിലും സെലക്ഷൻ ക്യാംപ് നടത്തും. കൊച്ചിയിലെത്തിയ ബൂട്ടിയ മാദ്ധ്യമങ്ങളോട് സംസാരിക്കുകയായിരുന്നു.
കേരളം കൂടാതെ ഇന്ത്യന് ഫുട്ബോളിന് അതിജീവനമില്ല. ഇന്ത്യന് ഫുട്ബോളില് കേരളത്തിന് അതിന്റേതായ സ്ഥാനമുണ്ട്. കേരളത്തിലുള്ളവര് ഫുട്ബോളിനെ കുറിച്ച് അഭിനിവേശമുള്ളവരാണ്. കേരളം തനിക്ക് സ്വന്തം വീട് പോലെയാണ്. ഫുട്ബോളിനെ പിന്തുണക്കുന്ന തന്റെ നിരവധി ആരാധകര് കേരളത്തിലുണ്ട്.
താന് ഒരു കേരള ബ്ലാസ്റ്റേഴ്സ് ഫോളോവറാണ്. താരങ്ങളുടെ പരിക്കുകള് ഭേദമായി ടീം ശക്തമായി തിരിച്ചു വരുമെന്നാണ് തന്റെ പ്രതീക്ഷ. ഭാവിയില് കേരള ബ്ലാസ്റ്റേഴ്സ് പോലുള്ള ക്ലബ്ബുകള്ക്ക് താരങ്ങളെ സംഭാവന ചെയ്യാന് തന്റെ സ്കൂളുകള്ക്ക് കഴിയുമെന്നും ബൂട്ടിയ പറഞ്ഞു.
