ചിത്രീകരണത്തിനിടെ നടന് ബിജു മേനോന് പൊള്ളലേറ്റു. പൃഥ്വിരാജ്-ബിജു മേനോന് കൂട്ടുകെട്ടിലിറങ്ങുന്ന അയ്യപ്പനും കോശിയും എന്ന ചിത്രത്തിന്റെ ചിത്രീകരണത്തിനിടെയാണ് അപകടം. അട്ടപ്പാടി കോട്ടത്തറയില് വെച്ചായിരുന്നു സംഭവം .
വാഹനം കത്തിക്കുന്ന രംഗം ചിത്രീകരിക്കുന്നതിനിടെയാണ് ബിജു മേനോന് പൊള്ളലേറ്റത്. കാലിലും കൈയ്യിലും പൊള്ളലേറ്റ താരത്തിന് ചികിത്സ നല്കിയതിനു ശേഷം ചിത്രീകരണം തുടരുകയായിരുന്നു.
2015-ല് പുറത്തിറങ്ങിയ അനാര്ക്കലിക്ക് ശേഷം ബിജു-പൃഥ്വി കൂട്ടുകെട്ടില് ഒരുങ്ങുന്ന ചിത്രമാണ് അയ്യപ്പനും കോശിയും. അനാര്ക്കലി സംവിധാനം ചെയ്ത സംവിധായകനും തിരക്കഥാകൃത്തുമായ സച്ചി തന്നെയാണ് ഈ ചിത്രവും ഒരുക്കുന്നത്. ലാല് ജോസിന്റെ നാല്പ്പത്തിയൊന്ന് എന്ന സിനിമയാണ് ബിജു മേനോന്റെ പുറത്തിറങ്ങിയ ഏറ്റവും പുതിയ ചിത്രം.
