എണ്പതുകളിലെ ദക്ഷിണേന്ത്യന് നായിക-നായകന്മാര് സൗഹൃദം പുതുക്കാന് ഒരിക്കല് കൂടി ഒത്തു ചേര്ന്നു. തുടര്ച്ചയായ പത്താം വര്ഷമാണ് താരങ്ങള് ഒത്തു ചേരുന്നത്. ഇത്തവണ നടന് ചിരംജീവിയുടെ വീട്ടിലാണ് ക്ലാസ് ഓഫ് 80’സ് എന്ന് പേരിട്ട ഒത്തുചേരല് സംഘടിപ്പിച്ചത്. കറുപ്പും ഗോള്ഡന് കളറും ചേര്ന്ന വസ്ത്രങ്ങളാണ് താരങ്ങളുടെ കളര്കോഡ്.
2009ല് സുഹാസിനിയും, ലിസിയും ചേര്ന്നാണ് ആദ്യമായി താരങ്ങളുടെ ഒത്തുചേരലിന് തുടക്കം കുറിച്ചത്. ഓരോ വര്ഷവും ഓരോ കളര് കോഡിലുള്ള വസ്ത്രങ്ങളോടെ ഒരോ താരങ്ങളുടെ വീട്ടില് ആണ് ഒത്തുചേരല് സംഘടിപ്പിക്കുന്നത്.
മോഹന്ലാല്, ജയറാം, ശോഭന, രേവതി, സുഹാസിനി, രാധിക ശരത്കുമാര്, ചിരഞ്ജീവി, നാഗാര്ജുന, അമല, അംബിക, വെങ്കിടേഷ്, ബാലകൃഷ്ണ, രമേശ് അരവിന്ദ്, സുമന്, ഖുഷ്ബൂ, മേനക,സരിത, ഭാഗ്യരാജ്, ജയപ്രഭ, ലിസി, സുമലത, ജാക്കി ഷറോഫ്, നദിയ മൊയ്ദു, റഹ്മാന് തുടങ്ങി നാല്പ്പതോളം താരങ്ങള് ഈ വര്ഷത്തെ കൂട്ടായ്മക്ക് എത്തിച്ചേര്ന്നു. രജനീകാന്ത്, കമല്ഹാസന് എന്നിവര് തിരക്കുമൂലം എത്തിയില്ല.
റിയൂണിയന് ക്ലബില് ഇപ്പോള് 50 അംഗങ്ങളാണുള്ളത്. മോഹന്ലാല്, രജനീകാന്ത്, കമല്ഹാസന്, നാഗാര്ജുന, കാര്ത്തിക്, ഖുശ്ബു, രേവതി, രാധിക, സുമലത, വെങ്കിടേഷ്, ശരത്കുമാര്, അര്ജുന്, അംബരീഷ്, മോഹന്, സുരേഷ്, സുമന്, നരേഷ്, ഭാനുചന്ദര്, പ്രതാപ് പോത്തന്, മുകേഷ്, ശങ്കര്, അംബിക, പൂര്ണിമ ഭാഗ്യരാജ്, ശോഭന, രാധ, നദിയ, രമ്യാകൃഷ്ണന് തുടങ്ങിയ വലിയതാര നിര തന്നെയുണ്ട്.
