‘ഗോള് ഓഫ് ദ ഇയര്’ ആഘോഷമാക്കുകയാണ് സോഷ്യല് മീഡിയ. ഫിഫയുടെ വനിതാ ലോകകപ്പ് ട്വിറ്റര് പേജില് പങ്ക് വെച്ചിരിക്കുന്ന വീഡിയോയാണ് വലിയ രീതിയില് പ്രചരിക്കുന്നത്. വെറും ഒന്പത് സെക്കന്ഡ് മാത്രം ദൈര്ഘ്യമുള്ള വീഡിയോയില് ഒരു പെണ്കുട്ടി നേടിയ ‘അവിശ്വസനീയ’ ഗോളാണ് തരംഗമായിരിക്കുന്നത്.
ഗോള് പോസ്റ്റിനു മുന്നില് ഗോളടിക്കാന് ശ്രമിക്കുന്ന പെണ്കുട്ടികളില് ഒരാളാണ് അത്ഭുത നേട്ടം കൈവരിച്ചിരിക്കുന്നത്. ഗോള് പോസ്റ്റിലേക്ക് തുടര്ച്ചയായി ഷോട്ടുകള് ഉതിര്ക്കുന്നത് വീഡിയോയില് കാണാം. എന്നാല് ഇതില് ഗോളിനായുള്ള അവസാന ഷോട്ട് ചെന്നു വീണത് ഗോള് പോസ്റ്റിനു പിന്നിലുള്ള ബാസ്കറ്റ് ബോള് റിംഗിലും.
One of our followers sent us this, and asked us to make it our 'Goal of the Year.' Well…technically…⚽️🏀🙃🤩pic.twitter.com/b0X72qLoEb
— FIFA Women's World Cup (@FIFAWWC) December 1, 2019
വ്യത്യസ്തമായ നേട്ടം കൈവരിച്ച പെണ്കുട്ടിയെ സഹതാരങ്ങള് അഭിനന്ദിക്കുന്നതും മറ്റു ചിലര് കോര്ട്ടിലിരുന്ന് പൊട്ടിച്ചിരിക്കുന്നതും വീഡിയോയിലുണ്ട്. ഏതായാലും ഈ ഗോളിന് മികച്ച ഗോളിനുള്ള പുരസ്കാരം നല്കണമെന്ന് ചിലര് ഫിഫയോട് ആവശ്യപ്പെട്ടതായാണ് വീഡിയോയ്ക്ക് മുകളിലുള്ള വാചകങ്ങള് വ്യക്തമാക്കുന്നത്.