Yatra

നീലഗിരികുന്നില്‍ വീണ്ടും ചൂളം വിളി, സഞ്ചാരികളുമായി ടൂറിസ്റ്റ് ട്രെയിന്‍ ഓടിത്തുടങ്ങി

ഊട്ടി: വിനോദസഞ്ചാരികളെ എന്നും ആകര്‍ഷിച്ചിരുന്ന ഊട്ടി നീലഗിരിക്കുന്നിലെ കുഞ്ഞന്‍ ടൂറിസ്റ്റ് ട്രെയിന്‍ വീണ്ടും ഓടിതുടങ്ങി. ഇന്ത്യന്‍ റെയില്‍വേയുടെ മലനിരകളിലെ സൗന്ദര്യമെന്നറിയപ്പെടുന്ന ആവി എഞ്ചിന്‍ ഘടിപ്പിച്ച ട്രെയിനാണ് അറ്റകുറ്റപ്പണികള്‍ക്ക് ശേഷം വിദേശ വിനോദ സഞ്ചാരികളുമായി ചൂളം വിളിച്ച് പാഞ്ഞത്.

‘വിനോദസഞ്ചാര വകുപ്പും നീലഗിരി മൗണ്ടന്‍ റെയിലും സംയുക്തമായുള്ള സംരംഭത്തിലെ ഒരു ഇടവേളക്ക് ശേഷമുള്ള ആദ്യയാത്രയില്‍ ബ്രിട്ടണ്‍, റഷ്യ, അമേരിക്ക എന്നീ രാജ്യങ്ങളിലെ 71 സഞ്ചാരികളാണുണ്ടായിരുന്നത്. നിലവില്‍ കൂനൂര്‍- ഊട്ടി എന്ന ഉദകമണ്ഡലം റൂട്ടിലാണ് തീവണ്ടി സേവനമുള്ളത്. എക്‌സ് 37398 ആവി എഞ്ചിനാണ് വീണ്ടും ആളുകളുമായി കൂകിപ്പായുന്നത്.’ ദക്ഷിണ റെയില്‍വേ അറിയിച്ചു.

മഞ്ഞണിഞ്ഞ മലനിരകളും തേയിലത്തോട്ടങ്ങളും എല്ലാം ക്യാമറകളില്‍ പകര്‍ത്താന്‍ വിദേശ സഞ്ചാരികള്‍ മത്സരിക്കുന്ന കാഴ്ച ഏറെ സന്തോഷം പകര്‍ന്നെന്ന് റെയില്‍വേ അധികൃതര്‍ പറഞ്ഞു. പുതുക്കിയ തീവണ്ടികോച്ചുകളില്‍ രണ്ട് ഫസ്റ്റ് ക്ലാസ്സ് കോച്ചുകളും ഒരു സ്ലീപ്പറുമാണുള്ളത.കൂണൂരില്‍ നിന്ന് രാവിലെ 10.40 ന് പുറപ്പെട്ട് ഊട്ടിയില്‍ ഉച്ചക്ക് 12.20ന് എത്തുംവിധമാണ് യാത്ര. 41.8 കിലോ മീറ്റര്‍ ദൂരം താണ്ടുമ്പോള്‍ യാത്രകാര്‍ക്ക് 208 വളവുകളും 16 തുരങ്കങ്ങളും 250 പാലങ്ങളും ആസ്വദിക്കാനായുണ്ട്.

ലോകപൈതൃക പട്ടികയില്‍ യുനസ്‌കോ 2005ല്‍ത്തന്നെ നീലഗിരി തീവണ്ടി ഉള്‍പ്പെട്ടതാണ്. 1908ല്‍ ബ്രിട്ടീഷുകാരാണ് തീവണ്ടി സര്‍വ്വീസ് ആരംഭിച്ചത്.

203 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close